Miloš Vučević
Miloš Vučević (tulisan Serbianya: Милош Вучевић, disambat [mǐloʃ ʋûːtʃeʋitɕ]; diranakakan 10 Disimbir 1974) adalah saurang pangacara wan pulitikus matan Serbia nang manjabat jadi Pardana Mantri Serbia matan 2024. Inya jua bapangkat prisidin wayah ini matan Partai Progresif Serbia. Sabalumannya, inya suah manjabat jadi Wakil Pardana Mantri Serbia wan Mantri Partahanan matan 2022 sampai 2024 wan jadi Wali Kuta Novi Sad matan 2012 sampai 2022.[1]
Kahidupan pas masih anum
[babak | babak asal-mulanya]Vučević diranakakan pas 10 Disimbir 1974 di Novi Sad, SAP Vojvodina, SR Serbia, SFR Yugoslavia. Inya tamat sakulah dasar (SD) di Novi Sad, wan sakulah manangah di Bački Petrovac. Vučević lulus matan Fakultas Hukum, Universitas Novi Sad, pas tahun 2002.
Vučević bagawi jadi pangacara di kantur hukum kaluarganya sampai tahun 2012.[1][2]
Mula Bapulitik
[babak | babak asal-mulanya]Vučević mulai bapulitik pas inya jadi angguta Partai Radikal Serbia (SRS) nang bapandangan kanan, di partai ngitu jua abahnya jadi angguta bapangkat nang tinggi. SRS pacah tahun 2008, wan Vučević umpat bagabung lawan Partai Progresif Serbia (SNS) nang dikapala ahui Tomislav Nikolić wan Aleksandar Vučić. Mulai sini inya bakawan parak wan jua jadi kaparcayaan Aleksandar Vučić wan dangsanaknya, Andrej Vučić.[3]
Wali Kuta Novi Sad (2012–2022)
[babak | babak asal-mulanya]Imbah pamilihan dairah tahun 2012, Vučević tapilih jadi wali kuta Novi Sad ulih bubuhan nang diuluakan SNS. Inya jadi angguta diwan diriksi Aliansi Nasional gasan Pangambangan Ikunumi Lukal (NALED) matan 2015 sampai 2016. Vučević tapilih pulang jadi wali kuta imbah pamilihan dairah 2016 wan 2020. Pas Nupimbir 2021, inya dipilih jadi wakil prisidin partai pas rapat umum partai SNS.
Wakil Pardana Mantri wan Mantri Partahanan (2022–2024)
[babak | babak asal-mulanya]Tanggal 23 Uktubur 2022, prisidin Partai Progresif Serbia, Aleksandar Vučić, maumumakan partainya handak maajuakan Miloš Vučević gasan jadi Wakil Pardana Mantri wan Mantri Partahanan Serbia nang dudi. Inya maundurakan diri matan jabatan Wali Kuta Novi Sad pas 24 Uktubur, inya digantiakan Milan Đurić dua hari imbahnya. Vučević dilantik jadi Wakil Pardana Mantri wan Mantri Partahanan tanggal 26 Uktubir wan umpat tamasuk dalam kabinit katiga Ana Brnabić.
Prisidin Partai Progresif Serbia (2023–damini)
[babak | babak asal-mulanya]Pas 27 Mai 2023, Vučević tapilih jadi prisidin SNS. Inya jua bapadah SNS handak umpat bagabung lawan Garakan Rakyat gasan Nagara (NPZD) nang diumumkan Vučić pas pahujung Juni.
Pardana Mantri Serbia (2024–damini)
[babak | babak asal-mulanya]Vučević wan kualisi SNS manang pulang pas pamilihan parlimin 2023. Tanggal 30 Marit 2024, Vučević dibari mandat ulih Prisidin Vučić gasan maulah pamarintahan hanyar Serbia. Pas 2 Mai, Majelis Nasional Serbia mamilih Vučević jadi Pardana Mantri Serbia.
Pandangan Pulitik
[babak | babak asal-mulanya]Vučević mandukung aksisi Serbia ka Uni Eropa, inya jua mamadahakan Serbia kada kawa jadi angguta Uni Eropa amunnya "dihina wan diulah supan maraga amun kaitu, Serbia kada mungkin kawa jadi angguta nang baik matan Uni Eropa". Pas 24 Marit 2019, Vučević bapadah bahwa pembuman NATO kayah Yugoslavia adalah kajahatan perang. Inya manantang pambarian sanksi kayah Rusia maraga panyarangan Rusia kayah Ukraina pas tahun 2022.[4]
Kaluarga
[babak | babak asal-mulanya]Abahnya Vučević, Zoran Vučević, adalah saurang pangacara wan angguta bapangkat tinggi matan SRS nang manjabat jadi prisidin Majelis Kuta Novi Sad matan 2004 sampai 2007. Abahnya jiun tahun 2021. Inya baisi katurunan Serbia Montenegro matan abahnya wan kaluarganya baasal matan Kampung Bezjovo, parak Podgorica wan jua angguta suku Kuči. Kai buyut tibak abahnya jiun pas umpat Perang Dunia I, amun kai tibak abahnya jiun pas umpat Perang Dunia II.[5]
Vučević sudah babini wan baisi dua ikung anak lakian.[2]
- ^ a b "Miloš Vučević". Istinomer (dalam bahasa Serbia). Diakses tanggal 2024-07-14.
- ^ a b "Biografija | Novi Sad". novisad.rs. Diakses tanggal 2024-07-14.
- ^ d.o.o, cubes. "Čovek bez svojstava - Vreme". https://vreme.com/ (dalam bahasa Serbia). Diakses tanggal 2024-07-14. Hapus pranala luar di parameter
|website=(bantuan) - ^ Colic, Nina (2022-05-22). "Vučević: Problemi zbog neuvođenja sankcija Rusiji sve veći - Politika - Dnevni list Danas" (dalam bahasa Serbia). Diakses tanggal 2024-07-14.
- ^ "VUČEVIĆ ponosan na CRNOGORSKO porijeklo: SRBIJA JE SPREMNA DA POMOGNE OPŠTINAMA U CRNOJ GORI". Mondo Crna Gora (dalam bahasa Inggris). Diakses tanggal 2024-07-14.