Torat

Torat atawa Torèt (Ibrani: תּוֹרָה‎ Tōrā, "Taturan", "Pengajaran" atawa"Wèt") entu atu bunga rampé deri lima kitab pertama deri Kitab Mugadas Ibrani, nya'entu kitab: Kejadian, Kuaran, Bani Lawi (Imamat), Angka, èn Ulangan. Ni juga' bekèn digero' Kitab Lima atawa dalem basa-basa Peringginya kurang lebi digero Pentateuch (lapal basa Inggris: /ˈpɛntətjuːk/) atawa Kitab Lima Musa ama orang Serani. Adapun dalem Yahudi punya terdisi, digeronya Torat Maktub (basa Ibrani: תּוֹרָה שֶׁבִּכְתָב, Tōrā šebbīḵṯāv). Kalo bakal tujuan keigamaan, itu Torat bentuknya gulungan (sefer Torah). Kalo bentuknya dicitak jadi buku, digeronya chumash, èn biasanya juga' ada para habar punya tapsirnya juga (perushim).