Рэклама

Маркетынг
Асноўныя канцэпцыі
Прадукт · Кошт Дыстрыбуцыя · Паслуга · Розніца Кіраванне брэндам Экаўнт-маркетынг · Этыка Эфектыўнасць Даследаванне рынка Сегментацыя рынка Маркетынгавая стратэгія Маркетынг-менеджмент Рыначнае дамінаванне
Рэкламны кантэнт
Рэклама · Прамы маркетынг · Брэнд · Персанальныя продажы Продакт-плейсмент · Паблісіці Стымуляванне збыту · Секс у рэкламе Маркетынг лаяльнасці · Прэміі · Падарункавы маркетынг
Рэкламныя носьбіты
Друк · Публікацыі Радыё · Вонкавая рэклама Інтэрнэт-маркетынг · Пункт продажаў Мерчандайзінг Лічбавы маркетынг · Ін-гейм Кропельны маркетынг Сарафаннае радыё Твар брэнда · Дэгустацыі

Рэклама (ад лац.: Reclamare — «сцвярджаць, выкрыкваць, пратэставаць») — інфармацыя, распаўсюджаная любым спосабам, у любой форме і з выкарыстаннем любых сродкаў, адрасаваная няпэўнаму колу асоб і накіраваная на прыцягненне ўвагі да аб’екта рэкламавання, фармаванне або падтрыманне цікавасці да яго і яго прасоўванне на рынку.

Іншыя паняцці рэкламы

Рэклама — галіна масавай камунікацыі, у рэчышчы якога ствараюцца і распаўсюджваюцца інфармацыйна вобразныя, экспрэсіўна суб’ектыўныя тэксты, адрасаваныя групам людзей з мэтай заахвоціць іх да вызначанага выбару або ўчынку.

Рэклама — аплачаная, неперсаналізаваная камунікацыя, якая ажыццяўляецца ідэнтыфікаваным спонсарам і выкарыстоўвае сродкі масавай інфармацыі з мэтай схіліць (да чагосьці) ці паўплываць (неяк) на аўдыторыю.

Выкарыстоўваюцца і больш вузкія вызначэння, напрыклад, абмяжоўваюцца толькі таварамі і паслугамі. Часам у вызначэнне ўключаюць такую прыкмету, як камерцыйныя інтарэсы.

Сацыяльная рэклама

Беларусь

У Законе Рэспублікі Беларусь «Аб рэкламе» даецца азначэнне паняцця «сацыяльная рэклама»:

рэклама правоў, ахоўных законам інтарэсаў або абавязкаў арганізацый або грамадзян, здаровага ладу жыцця, мераў па ахове здароўя, бяспецы насельніцтва, сацыяльнай абароне, прафілактыцы правапарушэнняў, ахове навакольнага асяроддзя, рацыянальнаму выкарыстанню прыродных рэсурсаў, развіццю беларускай культуры і мастацтва, міжнароднага культурнага супрацоўніцтва, дзяржаўных праграм у сферах аховы здароўя, адукацыі, культуры і спорту альбо іншых з’яў (мерапрыемстваў) сацыяльнага характару, якая накіравана на абарону або задавальненне грамадскіх або дзяржаўных інтарэсаў, не носіць камерцыйнага характару і рэкламадаўцамі якой з’яўляюцца дзяржаўныя органы;

Рэдакцыі сродкаў масавай інфармацыі абавязаны ажыццяўляць распаўсюджванне сацыяльнай рэкламы, прадастаўленай яе рэкламадаўцамі, у межах пяці працэнтаў ад аб’ёму вяшчання (асноўнай друкаванай плошчы) у суткі, адведзенага для рэкламы. Прапанаваныя рэкламадаўцам сацыяльнай рэкламы ўмовы, якія датычаць часу і спосабу яе распаўсюджвання, «з’яўляюцца абавязковымі для рэкламараспаўсюджвальніка, калі рэкламадавец звяртаецца да яго не пазней як за месяц да меркаванага тэрміну яе размяшчэння (распаўсюджвання)».

У Інстытуце журналістыкі БДУ сацыяльную рэкламу вывучаюць на кафедрах сацыялогіі журналістыкі і тэхналогіі камунікацыі. У праграме ёсць курсы «Мастацтва рэкламы», «Рэкламная камунікацыя» і іншыя.

Літаратура

• Каліта І. Беларуская рэклама: на шляху да нацыянальнага фармата. In: Jazyk a kultúra. 2016, roč. 67, č. 25-26, s. 17-29. https://www.ff.unipo.sk/jak/cislo25-26.html
• Каліта I. Сацыяльная рэклама ў Беларусі. In: Jazyk a kultúra. 2017, roč. 8, č. 29-30, s. 52-65. https://www.ff.unipo.sk/jak/cislo29-30.html
• Калита, И. Национальная идентичность vs. язык товарных знаков и официальных документов. // Minulost, přítomnost a budoucnost v jazyce a v literatuře. Sborník z Mezinárodní konference pořádané katedrou bohemistiky PF UJEP v Ústí nad Labem ve dnech 1.-3. září 2010. 1. díl — část jazykovědná. Ústí nad Labem: PF UJEP, 2011, 379 с., с. 66-73.

Спасылкі

• Афіцыйны сайт Інстытута журналістыкі БДУ Архівавана 20 сакавіка 2013.