Дуб балотны

Дуб балотны
Агульны выгляд дарослага дрэва. Батанічны сад у Марбургу, Германія
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Букакветныя Сямейства:  Букавыя Род:  Дуб Від:  Дуб балотны
Міжнародная навуковая назва
Quercus palustris Münchh.
Арэал
Ахоўны статус
Выклікаюць найменшыя асцярогі IUCN 2.3 Least Concern : / 194215
Сістэматыка на Віківідах Выявы на Вікісховішчы ITIS   19281 NCBI   73152 EOL   1151382 GRIN   t:30725 IPNI   359933-1 TPL   kew-174242

Дуб балотны (Quércus palústris) — буйное дрэва родам з Паўночнай Амерыкі; від роду Дуб (Quercus) сямейства Букавыя (Fagaceae).

Батанічнае апісанне

Лісце дуба балотнага.

Дуб балотны — стройнае дрэва вышынёй да 25 м і дыяметрам праекцыі кроны 10-15 м. Крона пірамідальная (у маладосці вузкапірамідальная, затым — шырокапірамідальная). Кара ствала зелянява-карычневая, доўга застаецца гладкай.

Лісце даўжынёй да 12 см, з пяццю-сям’ю глыбока выразанымі, амаль да сярэдзіны ліста, зубчастымі лопасцямі, зверху ярка-зялёныя, знізу святлей, з пучкамі валасінак ў кутках жылак. Восенню — ярка-пурпуровае.

Жалуды сядзячыя, амаль шарападобныя, у папярочніку да 1,5 см, прыкладна на траціну ахоплены плюскай.

Распаўсюджанне і экалогія

У прыродзе дуб балотны расце на глыбокіх, вільготных глебах берагоў рэк і балот. Радзімай яго лічыцца Паўночная Амерыка, у асноўным ўсход ЗША — ад Канэктыкута да Канзаса. Паўночней від распаўсюджаны аж да канадскай правінцыі Антарыа.

У параўнанні з Quercus rubra дадзены від менш марозаўстойлівы, больш патрабавальны да глебы і яе вільготнасці. Добра пераносіць гарадскія ўмовы.

Літаратура

• Деревья и кустарники СССР. Дикорастущие, культивируемые и перспективные для интродукции. / Ред. тома С. Я. Соколов. — М.—Л.: Изд-во АН СССР, 1951. — Т. II. Покрытосеменные. — 612 с. — 2 500 экз.
• Harrison, Lorraine (2012). RHS Latin for gardeners. United Kingdom: Mitchell Beazley. p. 224. ISBN 9781845337315.

Спасылкі

• Дуб балотны (Quercus palustris Muenchh.) Архівавана 24 жніўня 2019.
• Flora of North America: Quercus palustris
• Quercus palustris images at bioimages.vanderbilt.edu
• Pin Oak Diagnostic photographs and information.
• Harlow W. M. Trees of the Eastern and Central United States and Canada. — 1942.
• Quercus palustris Muenchh. на USDA Forest Service
• Barnes B. V. & Wagner Jr., W. H. Michigan Trees. — 2004.