Дартмуцкі каледж
Дартмуцкі каледж | |
---|---|
англ.: Dartmouth College | |
![]() | |
| |
Арыгінальная назва | англ.: Dartmouth College |
Заснаваны | 1769 |
Тып | універсітэт Лігі плюшчу |
Студэнты | 6 761[1] |
Краіна | |
Размяшчэнне | Хановер, Нью-Гэмпшыр, ЗША |
Сайт | home.dartmouth.edu |
![]() |
Дартмуцкі каледж (англ.: Dartmouth College) — амерыканская прыватная вышэйшая навучальная ўстанова са статусам даследчага ўніверсітэта, якая месціцца ў горадзе Хановер у штаце Нью-Гэмпшыр, ЗША.
Агульная характарыстыка
[правіць | правіць зыходнік]Дартмуцкі каледж з'яўляецца адным з 9 так званых каланіяльных каледжаў, заснаваных яшчэ да вайны за незалежнасць ЗША. Набыўшы вядомасць на пачатку ХХ стагоддзя, з тых часоў ён лічыцца адной з самых прэстыжных вышэйшых навучальных устаноў ЗША. Першапачаткова быў створаны для навучання індзейцаў хрысціянскай тэалогіі і англійскаму ладу жыцця. Размешчаны на тэрасе над ракой Канектыкут, галоўны кампус плошчай 109 га знаходзіцца ў сельскай мясцовасці Новай Англіі.
Дартмуцкі каледж з'яўляецца самай невялікай ВНУ ў Лізе плюшчу. Конкурс пры паступленні на бакалаўрыят складае каля 20 асоб на 1 месца — студэнтамі становіцца ў сярэднім толькі 5,3% абітурыентаў.
Універсітэт мае шмат вядомых выпускнікоў, у тым ліку 170 дэпутатаў Кангрэса ЗША, 24 губернатары штатаў ЗША, 8 міністраў ЗША, 3 лаўрэата Нобелеўскай прэміі. 2 суддзі Вярхоўнага суда ЗША і 1 віцэ-прэзідэнт ЗША. Сярод іншых вядомых выпускнікоў 81 стыпендыят Родса, 26 лаўрэатаў стыпендыі Маршала, 13 лаўрэатаў Пулітцэраўскай прэміі, 51 алімпійскі медаліст.
Структура
[правіць | правіць зыходнік]- Школа медыцыны
- Школа інжынерыі
- Школа бізнесу
- Школа магістратуры, аспірантуры і павышэння кваліфікацыі
Гл. таксама
[правіць | правіць зыходнік]Крыніцы
[правіць | правіць зыходнік]- ↑ U.S. and Canadian 2022 NTSE Participating Institutions Listed by Fiscal Year 2022 Endowment Market Value, Change in Market Value from FY21 to FY22, and FY22 Endowment Market Values Per Full-time Equivalent Student (Excel) — National Association of College and University Business Officers, 2023. Праверана 22 мая 2023.
- ↑ Directory of Open Access Journals — 2003.
Спасылкі
[правіць | правіць зыходнік]На Вікісховішчы ёсць медыяфайлы па тэме Дартмуцкі каледж
- Афіцыйная інтэрнэт-старонка ўстановы