Плошча Леніна (станцыя мэтро, Менск)
Каардынаты: 53°53′36″ пн. ш. 27°32′52″ у. д. / 53.8932° пн. ш. 27.5478° у. д.
| Станцыя «Плошча Леніна» | |
|---|---|
| Маскоўская лінія | |
| Менскі мэтрапалітэн | |
| |
| Дата адкрыцьця | 26 чэрвеня 1984 (40 гадоў таму) |
| Былыя назвы | Плошча Леніна, Плошча Незалежнасьці |
| Тып | аднасхільная |
| Тып плятформы | выспавая |
| Даўжыня плятформы, м | 100 |
| Шырыня плятформы, м | 10 |
| Пераходы на станцыі | Вакзальная |
| Код станцыі | 115 |
Плошча Леніна (трансьліт.: Plošča Lіenіna) — станцыя Маскоўскай лініі Менскага мэтрапалітэну. Разьмешчаная на Маскоўскай лініі, паміж станцыямі «Кастрычніцкая» і «Інстытут культуры». «Плошча Леніна» была адкрыта 26 чэрвеня 1984 году ў складзе першай чаргі менскага метро.
Зьяўляецца станцыяй Менскага метрапалітэна з найбуйнейшым пассажырапатокам.
З 1992 па 2003 год станцыя аб’яўлялася як «Плошча Незалежнасьці», аднак затым першапачатковая назва станцыі была адноўлена. Па словах начальніка тэхнічнага адзьдзела Менскага метрапалітэна, афіцыйнага рашэньня аб перайменаваньні станцыі «Плошча Леніна» у «Плошча Незалежнасьці» ніколі не прымалася, аднак былі вусныя распараджэньні кіраўніцтва Мінгарвыканкама. З 2008 году станцыя аб’яўляецца як «станцыя Плошча Леніна, выхад да чыгуначнага вакзала й Плошчы Незалежнасьці». 15 сакавіка 2010 году камісія Менскага гарвыканкама па названьні й пераназваньні праспэктаў, вуліц, плошчаў і іншых састаўных частак горада ўнесла прапанову аб пераназваньні станцыі метро «Плошча Леніна» у «Плошча Незалежнасьці».
Канструкцыя
[рэдагаваць | рэдагаваць крыніцу]Станцыя аднаскляпеністая з маналітнага жалезабетону, пабудаваная з ужываньнем тэхналёгіі ”сьцяна ў грунце”. Афармленьне вытрымана ў спакойных танах, пуцявыя сьцены абліцаваны цёмна-ружовым мармурам. У цэнтры плятформы ўстаноўлена мастацкая кампазыцыя ў выглядзе калёны, увянчанай сярпом і молатам.
Выхады
[рэдагаваць | рэдагаваць крыніцу]Удалае разьмяшчэньне станцыі «Плошча Леніна» дазволіла аб’яднаць два асноўных пасажыраўтваральных вузла горада — Чыгуначны вакзал і плошчу Незалежнасьці. Адзін з выхадаў станцыі разьмешчаны на Прывакзальнай плошчы, прычым па падземным тунэлі, адкрытаму ў 2003 годзе, са станцыі можна трапіць прама ў новы будынак вакзалу й на пасадачныя плятформы. Таксама, на Прывакзальнай плошчы разьмешчаны аўтавакзал «Цэнтральны» і пасадкавыя плятформы электрычак. Другі выхад, абсталяваны трыма стужкамі эскалатараў, вядзе на плошчу Незалежнасьці, на якой разьмешчаны будынкі Беларускага дзяржаўнага ўнівэрсытэта, Беларускага дзяржаўнага педагагічнага ўнівэрсытэта, Дома Ўраду, Мінгарвыканкама, цэнтральнага паштамта, а таксама цагляны Чырвоны касьцёл.
Перагон паміж станцыямі «Плошча Леніна» і «Кастрычніцкая» — адзін з самых доўгіх у менскім метро.
 |
Гэта — накід артыкула пра мэтрапалітэн. Вы можаце дапамагчы Вікіпэдыі, пашырыўшы яго. |
Плошча Леніна (станцыя мэтро, Менск) — сховішча мультымэдыйных матэрыялаў