Маўрыцы

Маўрыцы лац. Maŭrycy Republic of Mauritius République de Maurice
Сьцяг Герб
Нацыянальны дэвіз: «Stella Clavisque Maris Indici» («Зорка і ключы ад Індыйскага акіяна»)
Дзяржаўны гімн: «Motherland»
Афіцыйная мова	ангельская
Сталіца	Порт Луі
Найбуйнейшы горад	Порт Луі
Форма кіраваньня прэзыдэнт прэм’ер-міністар	рэспубліка Анэруд Жаніё Навінчандра Рамгулан
Плошча  • агульная  • адсотак вады	179-е месца ў сьвеце 2040 км² 0,05
Насельніцтва  • агульнае (2008)  • шчыльнасьць	151-е месца ў сьвеце 1 288 000 631,4/км²
СУП  • агульны (2009)  • на душу насельніцтва	119 месца ў сьвеце $15,831 млрд $12 356
Валюта	Маўрыцыйская рупія (MUR)
Часавы пас	MUT (UTC+4)
Незалежнасьць — ад Вялікабрытаніі	12 сакавіка 1968
Аўтамабільны знак	MS
Дамэн верхняга ўзроўню	.mu
Тэлефонны код	+230
Мапа Маўрыцыю

Маўры́цы, Рэспубліка Маўрыцы (па-ангельску: Mauritius) — астраўная краіна, разьмешчаная ў Індыйскім акіяне, прыкладна за 900 км на ўсход ад Мадагаскару. У склад краіны, акрамя самога вострава Маўрыцы ўваходзяць астравы Радрыгез, архіпэляг Каргадас Караяс і разьмешчаны за 1200 км на поўнач востраў Агалега.

Гісторыя

Востраў быў адкрыты партугальцамі ў 1505 годзе і атрымаў назву Сышна ў гонар аднаго з партугальскіх караблёў. Калянізананы галяндцамі ў 1638 годзе і названы ў гонар прынца Маўрыцыя Аранскага. Кантроль за востравам атрымалі французы ў XVIII стагодзьдзі і зьмянілі яго назву на «Іль дэ Франс». У 1810 годзе востраў заваявалі брытанцы і вярнулі яму ранейшую назву. Ангельцы забаранілі на востраве рабства і пачалі запрашаць працоўных рабочых зь Індыі.

Незалежнасьць была атрыманая ў 1968 годзе. Маўрыцы, адна зь нешматлікіх афрыканскіх краінаў, дзе існуюць стабільныя дэмакратычныя ўмовы і даволі высокі ровень жыцьця.

Палітыка

Кіраўніком дзяржавы зьяўляецца прэзыдэнт, які абіраецца на пяцігадовы тэрмін аднапалатным парлямэнтам. З 70 дэпутатаў парлямэнту 62 выбіраецца на ўсеагульных выбарах, а 8 зьяўляецца прадстаўнікамі этнічных меншасьцяў.

Геаграфія

Маўрыцы, разам з астравамі Рэюньён і Радрыгез, зьяўляецца часткай Аскарэнскіх астравоў. Гэтыя астравы ўзьніклі мільёны гадоў таму, у выніку падводных тэктанічных зрухаў. Сталіцай краіны і самым вялікім горадам зьяўляецца Порт Луі, які знаходзіцца ў паўночна-заходняй частцы вострава.

Адміністрацыйны падзел

Маўрыцы падзеляецца на 9 акругаў:

• Блэк Рывэр
• Флак
• Гранд Порт
• Мока
• Памплемусэ
• Плэйнз Вільгельмз
• Порт Луі
• Рыўер дзю Рэмпарт
• Саван

Акрамя таго, у склад Маўрыцыю ўваходзяць тры залежныя тэрыторыі:

• астравы Агалега
• Каргадас Караяс
• Радрыгез

Эканоміка

Асновай эканомікі Маўрыцыю зьяўляецца турызм, экспарт тэкстыльных вырабаў і цукровага трысьнёгу. Дзякуючы разьвітай турыстычнай інфраструктуры, краіна мае прыцягальныя ўмовы для замежных інвэстыцыяў.

Сельскагаспадарчыя землі складаюць 56% паверхні краіны. Асноўнымі сельскагаспадарчымі культурамі зьяўляюцца: тытунь, гарбата, кукуруза, бананы.

Дэмаграфія

Насельніцтва краіны складаецца зь некалькіх этнічных групаў: дэсі (68%), крэолы (27%), кітайцы (3%), французы (2%). Асноўнымі рэлігіямі зьяўляюцца індуізм (48%), хрысьціянства (32,2%), іслам (16,6%), іншыя (3,2%). Мовамі краіны зьяўляюцца: крэольская (ужываецца 80,5% насельніцтва краіны), бхаджпуры (12,1%), француская (3,4%), ангельская (1,3%), іншыя (3,7%).

Культура

Зьмена ўладальнікаў вострава адбілася на яе культуры. Напрыклад маўрыцыйская кухня — гэта спалучэньне галяндзкай, францускай, індыйскай і крэольскіх кухняў.

У 1847 годзе Маўрыцы стала адной зь першых краінаў, якая пачала выпускаць паштоўкі. Два тыпы маўрыцыйскіх паштовак таго часу (Рэд пэні і Блю пэні) зьяўляюцца самымі дарагімі маркамі ў сучаснай філятэліі.