Ribok

An ribok (Ingles: noise) iyo an daing gayon na paghimateon na tanog, binibilang na dai nakaoogma, makosog o makulog sa pagdangog. Sa punto de vista nin mga pisiko, mayo nin pagkakalaen an ribok asin an minamawot na tanog, an duwang ini parehong bibrasyon sa paagi kan nedium, arog baga kan aire o tubig. An pagkakalaen minalataw kun an hotok nag - aako asin nakakarisa nin tanog.

An akustikong ribok iyo an ano man na tanog sa akustikong rona, magsalang tinuyo (e.g., musika o pagtaram) o dai tinutuyo. Sa kabaliktaran, an ribok sa mga elektroniko mapupwedeng dai nadadangog kan talinga nin tawo asin nangangaipo nin mga instrumento tanganing marisa.

Sa audio engineering, an ribok pwedeng nanonongod sa dai ginustong residual elektronikong mga senyal na nagpapaluwas nin akustikong ribok na nadangog bilang hiss. An signal na ribok na ini iyo an komun na sinusukol gamit an A-weighting o ITU-R 468 weighting.

Sa mga eksperimental na siyensya, an ribok pwedeng nanonongod sa ano man na madaling maimpluwensiahan na mga detalye nin impormasyon na nakaoolang sa pagmansay sa sarong senyal.