Mark Twain
| Mark Twain | |
|---|---|
 Retrato ni Mathew Brady, Pebrero 1871 | |
| Minundagan | Samuel Langhorne Clemens Nobyembre 30, 1835 Florida, Missouri, U.S. |
| Kagadanan | Abril 21, 1910 (edad 74) Redding, Connecticut, U.S. |
| Nilubongan | Woodlawn Cemetery, Elmira, New York, U.S. |
| Alyas | Mark Twain, Josh, Thomas Jefferson Snodgrass |
| Kasibotan | Parasurat, humorista, entrepreneur, publikador, taga-lektura |
| Bantog na gibo | Adventures of Huckleberry Finn The Adventures of Tom Sawyer |
| Agom | Olivia Langdon Clemens (1870 - 1904) |
| Mga akì | Langdon, Susy, Clara asin si Jean |
| Sadiring-tawo | John Marshall Clemens (ama) Orion Clemens (tugang) |
| Lagdâ |  |
Si Samuel Langhorne Clemens (Nobyembre 30, 1835 – Abril 21, 1910), mas bisto sa tagong-ngaran niyang Mark Twain, sarong Amerikanong parasurat, humorista, entrepreneur, publikador asin tagalektura. Sa mga nobela niya, bantrog na gayo an The Adventures of Tom Sawyer (1875) asin an paikog igdi an Adventures of Huckleberry Finn (1885), an huri popular na inaapod na {An Dakulang Nobelang Amerikano" ("The Great American Novel").
Si Twain pinadakula sa Hannibal, Missouri, na an lugar na ini ngapit iyo an nagin tagbo para sa nobela niyang Tom Sawyer asin Huckleberry Finn. Siya kan enot nagin peyon sa imprentahan, dangan nagin typesetter, asin sige siyang nag'aambag nin mga artikulo sa peryodiko kan saiyang matuang tugang na si Orion Clemens. Kahaloy-haloy siya nagin piloto sa baroto na nagbabagtas sa Salog Mississippi bago siya nag'iba sa saiyang tugang paNevada. Masuba niyang naomnambitan an paglaog niya sa pagmimina bago ini nagpoon pagsurat bareta para sa Virginia City Territorial Enterprise. An saiyang maka-ngirit na artikulo, an "The Celebrated Jumping Frog of Calaveras County", napublikar kan 1865, basado sa istoryang nadangog sa Angels Hotel sa Angels Camp, California kun saen nagpirmi siya kan siya paramina. An osipon na ini nagdulot nin kabantogan saiya sa balyong dagat, mala ta ini napalis pa sa Pranses. Palibhasa may pinahiling siyang husay sa pagsurat, na makangirit, mapagsudo-sudo asin man ngane maski sa pagtaram-taram, nag'ani saiya nin omaw sa mga kagurubay asin mga kritiko. Mala ta an abilidad niyang ini nagdara saiya sa lebel na dakul siyang kabisto na mga maray na tawo arog kan mga presidente, mga artista, mga industryalista asin mga royalty sa Europa.
