Maria Lilia Realubit
| Maria Lilia Fuentebella Realubit | |
|---|---|
 | |
| Kasibotan | Paratukdô, parasurat, kritiko |
| Nasyunalidad | Filipino |
| Lahì | Bikolano |
| Alma mater | Unibersidad kan Pilipinas |
| Genre | Pagsaligsig |
| Bantog na gibo | Bikols of the Philippines (1983); Bikol Literary History (1999) |
| Mga bantog na gawad | Alagad ni Balagtas; National Book Awarde (1987); Masirang na Bituon kan Kabikolan, Premio Tomas Arejola para sa Literaturang Bikolnon (2004) |
Si Dr. Maria Lilia Fuentebella Realubit (Oktobre 22, 1930 - Agosto 17, 2017) sarong Bikolanang parasurat, retiradong propesor kan Kolehiyo nin Edukasyon kan Unibersidad kan Pilipinas asin resipyente kan Alagad ni Balagtas gikan sa Unyon ng Mga Manunulat sa Pilipinas (UMPIL), asin Masirang na Bituon kan Kabikolan (Lifetime Achievement Award) sa inot na Premio Tomas Arejola para sa Literaturang Bikolnon kan 2004. Siya an kagmuknâ kan Kabulig Bikol asin Bikol Heritage Society, Inc.[1]
Kabali sa mga naisurat niya iyo an pagpalis niya sa Ingles kan obra kultural ni Mariano Goyena del Prado an Ibalon: Ethnohistory of the Bikol Region (1981) (Ibalon: Monografia historica de la region bicolana), Bikol Dramatic Tradition (1976)[2], Bikols of the Philippines (1983)[2], Philippine Drama: Twelve Plays in Six Regional Languages (1987), Journal of Bikol Writing (1994), Bikol Literary History (1999)[2], Haliya: Anthology of Bikol Poets and Poems (1999)[2] asin Jose T. Fuentebella: Nationalist and Statesman (2004).[3] Kan Pebrero 2011, ipigbungsod niya an saiyang Bikol Poetry Galore At Last A Report, sarong kritika sa mga bagong rawitdawit. Resipyente si Realubit kan National Book Award (1987) para sa saiyang librong Philippine Drama: Twelve Plays in Six Regional Languages.
Siya nagtapos nin Master in Literature sa Unibersidad kan Pilipinas-Diliman kan 1962 asin Master in Linguistics sa Unibersidad kan California sa Los Angeles bilang sarong iskolar nin Fullbright-Hays (1964-1966), asin nagkua nin Doctor in Philippine Studies sa Unibersidad kan Pilipinas-Diliman (1985).
Nagin siyang representante kan Bikol sa Arteng Panliteratura sa irarom kan Nasyunal na Komisyon sa Kultura asin Arte (NCCA).
Kagadanan
[baguhon | baguhon an source]Nagadan si Realubit huli sa helang na kanser sa halanohan.[4]
Toltolan
[baguhon | baguhon an source]- ↑ de Ungria, Ricardo M. Enriching Knowledge by Publishing the Regional Languages Asiatic, Unibersidad kan Pilipinas-Mindanao, Hunyo 2009, p. 29-30
- ↑ 2.0 2.1 2.2 2.3 Library Catalogue: Maria Lilia Realubit. James J. O'Brien SJ Library Archived 2019-03-21 at the Wayback Machine.
- ↑ Retired UP professor leads 'Premio' honores Bicol Mail (pighugot 2009-07-18)
- ↑ Ma. Lilia F. Realubit (1931-2017): Scholar, Writer, ‘Bikolista’[permanent dead link] Business Mirror (pighugot 2017-08-26)
| Suminunod ki – |
Representante kan Bikol sa Nasyunal na Komisyon para sa Kultura asin kan Arte para sa Nasyunal na Komite sa mga Arteng Panliteratura – 2003 |
Sinundan ni Rudy Alano (Representante kan Sur nin Luzon) |