Kusina

Sarong amay na ika-20ng siglo an istilong Art Nouveau na kusina sa Riga

An kusina sarong kwarto o kabtang nin sarong kwarto na ginagamit sa pagluto asin sa pag - andam nin kakanon sa sarong erokan o sa komersyal na estabilisimiyento. An modernong middle-class na residensyal na kusina tipikalmente igwa nin kalan, lababo na may mainit asin malipot na tubig na nagbobolos, repridyeretor, asin mga patongtongan nin trabaho asin mga gabinete sa kusina na iinareglo segun sa disenyong modular. An dakol na pamilya igwa nin microwave oven, dishwasher, asin iba pang kasangkapan na elektrikal. An pangenot na mga trabaho sa kusina iyo an pagtipon, pag - andam asin pagluto nin kakanon (asin nganing makompleto an kaagid na mga trabaho na arog nin paghuhugas nin mga plato). An kwarto o lugar pwede man na gamiton para sa kakanan (o saradit na pagkakan na arog kan pamahaw), pag-aling-aling asin paglaba. An disenyo asin pagtogdok nin mga kusina sarong dakulaon na saodan sa bilog na kinaban.

An mga komersyal na kusina manonompongan sa mga restawran, cafeteria, hotel, ospital, pasilidad sa edukasyon asin pinagtatrabawohan, kuartel nin hukbo, asin kaagid na mga establisimiyento An mga kusinang ini heneralmente mas dakula asin igwa nin mas dakula asin mas magabat an kagamitan kisa sa residensyal na kusina. Halimbawa, an sarong dakulang restawran pwedeng igwa nin dakulaon na walk-in na repridyeretor asin dakulang komersyal na makina sa paghugas nin mga plato. Sa nagkapirang pangyayari, an komersyal na mga kasangkapan sa kusina arog kan komersyal na mga lababo ginagamit sa mga pagpakarhay sa harong mantang iyan nagtatao nin pasil na paggamit para sa pag-andam nin kakanon asin halangkaw na durabilidad.

Sa maoswag na mga nasyon, an komersyal na mga kusina sa pankagabsan sakop nin mga ley sa salud kan publiko. Sa panapanahon sinisiyasat sinda kan mga pampublikong opisyal sa salud, asin napipiritan sindang rumani kun dai ninda maabot an mga kahagadan sa kalinigan na ipinagboboot kan ley.