Alahas

Manlainlain na halimbawa kan alahas sa bilog na kasaysayan

Nanonongod an alahas sa mga adorno na pigsusulot bilang pang-estima sa sadiri, siring kan mga brotse, singsing, kulintas, hikaw, porselas, asin himelo. Mapupwedeng ikabit an mga alahas sa hawak o sa mga bado. Poon sa solnopan na pananaw, natatakdaan an mga kataga sa mga panhaloyan na mga burloloy, dai kaibahan an mga burak bilang halimbawa. Sa laog kan dakol na siglo, an mga metal na siring kan bulawan na piggagamit sa mga manlaenlaen na ibang kilatis poon sa 21, 18, 12, 9 o mas hababa pa, parating pig-iiba sa mga gapong-hiyas, iyo an nagin komun na materyales para sa alahas, alagad mapupwedeng gamiton man an mga ibang materyales siring kan takupis asin iba pang materyales gikan sa tinanom. Saro ini sa mga pinakadaan na klase nin artepaktong arkeolohikal – pigpapamugtak na an pinakadaan na bantog na alahas iyo an mga 100, 000 taon an edad na abaloryo na gibo sa mga takupis kan Nassarius.