Valsesia
Koordinaten: 45° 49′ 0″ N, 8° 8′ 0″ O
Des Valsesia, uf Walser-Deitsch Tseschrutol, is a Oipntoi in da italienischn Provinz Vercelli, Region Piemont. Duachs Toi fliaßt da Fluss Sesia, dea'm Toi sein Noma gibt. Es eastreckt se vom Monte-Rosa-Massiv bis in de Ebene von Vercelli und hod meahrane Seitntäla, vo dena de Gebiagsbäch in an Sesia mindn.
Geografie
[Werkeln | Am Gwëntext werkeln]Des Hapttoi, Val Grande gnennt, hod a S-Foam. De letzte Gmoa in diesm Toi is Alagna Valsesia. De wichtigstn Seitntäla san des Val Mastallone und des Val Sermenza, wejche iahre Noma duach de Gebiagsbäch eahoitn, wejche se duachfliaßn.
Zu de Gmoana im Valsesia ghean: Varallo Sesia, Borgosesia, Gattinara, Scopello, Alagna Valsesia, Quarona, Fobello, Rimella, Rima San Giuseppe, Rimasco, Boccioleto, Rossa, Carcoforo, Romagnano Sesia, Vocca, Balmuccia, Scopa, Campertogno, Piode, Cravagliana und Serravalle Sesia.
Wiatschoft
[Werkeln | Am Gwëntext werkeln]Es gibt oanige Industriebetriebe in de tiafaglengne Orte Varallo, Borgosesia, Quarona und Serravalle. Dabei hondlt's se haptsächli um Textijindustrie und Feinmechanikbetriebe. Landwiatschoft werd emfois betriem, bekonnt is do da Wein ausm Ort Gattinara, dea aa diesn Noma trogt. De hähaglengna Orte lem haptsächli vo Kunsthandweak und Tourismus, wobei sowoi Beagwondara im Summa ois aa Schifoara im Winta ogsprocha wern. Af da Noadseite vom Toi valaffa meahrane Etappn vom 55-Dogdägign Feanwondaweg Grande Traversata delle Alpi. Des Gebiet rund um Alagna werd deazeid duach de Earichtung vo weitane Lifte, Beaghittn und Pistn zuanehmnd fia'n Wintaspoat easchlossn.