Jakob Hutter
Nåch Jakob Hutter (óder Huter) sein die Hutterer benånnt, dé wégn der Verfólgung nåch Ósteurópa åhaudn håm gmiaßt unt seit der zweitn Hälfte van 19. Jåhrhundert in Nórdamerika lébm.
Er isch um 1500 in Weiler Moos pa St. Lorénzn in Pustertål gepórn, zem (dort) steaht hait nó sei Gepurtshaus. Hutter isch a Prédiger van „Täufertum“ gwésn unt déswégn va der Óbrigkeit verfólgg gwórtn (Ferdinand I.). Man håt’n nåch långer Suacherei gfuntn und vór’n Gericht gstéllt. Er isch zåmp (trótz) die gånzn Torturn va seiner Iberzeigung nét ågwichn unt déswégn 1536 in Innschprugg afn Scheiterhaufn verprénnt gwurtn. In Innschprugg isch a Stråßn nåch ihm penånnt.
Im Netz
[Werkeln | Am Gwëntext werkeln]http://de.wikibooks.org/wiki/Entstehungsgeschichte_der_Hutterer