Ginkaku-ji
Da Jishō-ji (jap. 慈照寺, bessa bekaunt ois Ginkaku-ji (銀閣寺), da süwane Pavillon) is a budistischa Tempe vo da Rinzai-shū im Noadostn vo Kioto. Da Ginkaku-ji is 1482 vum Shōgun Ashikaga Yoshimasa ois Ruasiz baut woan.
Zwoa Heisa vo da urspringlichn Aulog, da Kannon-den und da Tōgu-dō, san nu ausm 15. Jh. eahoidn. Da Gortn kimmt vo da Edo-Zeid.
Da Kannon-den (観音殿, „Halle vo Kannon“) is'Symboi vom Ginkaku-ji und wiad meistns Ginkaku, Silberner Pavillon, gnennt. S'Eadgeschoss is im Shinden-Stü baut woan und hoaßt Shinkūden (心空殿, „Halle de wos leer is“). S'Owagschoss is im Stü vo an chinesischn Chan-Tempe baud woan und wiad Chōonden (潮音閣, „Halle vo de Wön“) gnennt. S'Doch is im Hyōgō-Stü.
Da Tōgu-dō (東求堂, „Suach nochn Ostn“) is a friaras Beispü vo da Shoin-Architektur. In eam stehd a Skulptua vom Yoshimasa und oane vom Amida-nyōrai, de an Eshin Sōzu zuagschriem wiad. Im Tōgu-dō gibds a Dōjinsai (同仁斎), oans vo de ödastn Zimma fia d'Teezeremonie. Da Goatn vo da Aunlog is voaoim fia Gishadan (銀沙灘, „See vom Süwasaund“) und in Kōgetsudai (向月台, „Mondaunsichtsplottform“) bekaunt, de im Kontrast zum dunklan Kannon-den stengan.
D'UNESCO hod 1994 an Ginkaku-ji mit aundare Stättn ins Wödkultuaeabe Historisches Kyōto (Kyōto, Uji und Ōtsu) aufgnumma.
Literatua
[Werkeln | Am Gwëntext werkeln]- Keene, Donald (2003). Yoshimasa and the Silver Pavilion: The Creation of the Soul of Japan. New York: Columbia University Press.
Im Netz
[Werkeln | Am Gwëntext werkeln]
Commons: Ginkaku-ji – Sammlung vo Buidl, Videos und Audiodateien- Offizielle Webseitn vom Tempe - Englisch
- Informationsaungebot vo da Präfektua Kyōto - Englisch
- [1] - Englisch
Koordinaten: 35° 1′ 36,7″ N, 135° 47′ 53,7″ O