Pythagoras
Pythagoras saking Samos (k.l. 570 – k.l. 495 SM) inggih punika filosof Yunani kuna miwah sang san'e ngaryanin Pythagoréanisme. Ajahannyané dados kasub pisan ring Magna Graecia. Filosofi Plato, Aristotélés miwah filosof Wetan akéh kena panglimbak saking manah-manah Pythagoras. I raga nénten akéh uning indik kauripannyané. Pythagoras inggih punika putranyané Mnésarkhus, sané mawit saking nusa Samos. Nénten wénten sané uning ring dija Pythagoras masekolah, sakéwala kauningin yéning duk warsa 530 SM Ida magingsir ka Kroton, genah Ida makarya sekolah. Ring sekolahé punika siswa-siswa patut urip ring jeroning sekaa sané cakupang, singid, tur polos; umpamanyané dané nénten dados ngajeng makudang-kudang ajengan, minab daging.
Ajahan Pythagoras sané pinih kasuh inggih punika metempsychosis,[1] utawi transmigrasi atman, inggihnyané manah yéning atman nénten padem tur sasampun raga padem, atman ngranjing raga anyar. Ida naler makarya téori musik univérsal,[2] inggihnyané Ida gugu yéning planét-planét nggantos genahné manut rumus-rumus matématika; mawinan punika planét-planét masuara minakadi musik. Rumus sané pinih kaloktah saking ida punika cara metékin lantang sisi méréng sagitiga, rumus punika kaaranin Rumus Pythagoras sané kaambil saking wastan ipun.
- ↑ Kahn, Charles H. (2001), Pythagoras and the Pythagoreans: A Brief History, Indianapolis, Indiana and Cambridge, England: Hackett Publishing Company, ISBN 978-0-87220-575-8
- ↑ Riedweg, Christoph (2005) [2002], Pythagoras: His Life, Teachings, and Influence. Ithaca, New York: Cornell University Press, ISBN 978-0-8014-7452-1