Pura Merajan Selonding
 | |
|---|---|
 | |
| Inpormasi umum | |
| Tipe | Pura |
| Pakem Undagi | Bali |
| Genah | Désa Besakih, Kecamatan Rendang, Karangasem, Bali |
| Margi | Besakih, Rendang, Karangasem, Bali 80863 |
| Koordinat | 8°22′33″S 115°26′59″E / 8.3757991°S 115.4497374°E |
| Situs web | |
| www | |
Pura Merajan Selonding inggih punika pinaka pura sané magenah ring kompléks Pura Besakih, rumasuk kompléks pura soring ambel-ambel. Magenah ring sisi kalér Pura Ulun Kulkul utawi ring krama irika magenah ring sisi kawan Pura Ulun Kulkul, pura puniki rumasuk Pura Penyungsungan Jagat. Merajan Selonding pinaka Merajan Dewa mastana ipun Hyang Aji Saraswati, taler genah melinggih sinamian Pratima saking pira soring ambel-ambel sekadi Pura Dalem Puri, Manik Mas, Ulun Kulkul, Besakihan. Pura Merajan Slonding wagian saking merajan Raja Kesari Warma Dewa. Piodalan ring pura merajan Selonding rahina Wraspati Keliwon Warigadian[1]
Pura Merajan Selonding kacawang sampun kawangun ring untat abad ka-10, sadurung Pura Penataran Besakih kewangun. Ring duk sané lintang, pinaka swadharman dalem antuk munggahang rasa bhakti antuk nincapang manados raja.[2] Ring wewengkon pura puniki manados merajan saking Dalem Kesari Warmadewa sané kecawang meduwé kedhaton ring Besakih aran ipun Bumi Kuripan, kanikayang ring lontar Raja Purana Besakih utawi ketah kauningin antuk Prasasti Bredah sané kasimpen ring pura puniki sareng sapirantj gamelan kuna Selonding.[3]
Ring Lontar Catur Muni-Muni nyaritayang indik asal mula kawéntenan tabuh gamelan ring Bali, kanikayang punika Bhagawan Narada ngawikanang para patapa nabuh gamelan Selonding. Asapunika Markandeya Purana kategesin punika Sang Yogi Markandeya taler maparab Hyang Naradatapa. Punika sané kanikayang Bhagawan Narada pateh sareng Sang Yogi Markandeya taler gamelan selonding puniki pateh sané keanggén olih ida kantun patut katilikin. Pura puniki kearanain Merajan Slonding. Mawinan ring pura puniki kagenahang gamelan kuna Slonding. Slonding punika gamelan sakral sané katabuh ri kala wénten upacara sakral.[2][3]
Pelinggih Gedong Penyimpenan masaka nem maraab duk. Rinh Gedong puniki kasimpen Gamelan Slonding, lontar, sajebag pratima saking pura soring ambal-ambal. Ring Gedong puniki taler kasimpen prasasti Bradah. Antuk penganggé sareng palengkapan pura ring soring ambal-ambal kasimpen ring Balé Penganggé.
Ring samping punika wénten Pelinggih Gedong Saraswati masaka papat maraab duk. Ring Pura Merajan Slonding puniki kanikayang antuk Linggih Ida Ratu Bagus Slonding. Kawéntenang Balai Piyasan antuk magenahang banten ri kala piodalan.
Pura Soring Ambal-ambal punika pura genah ngaturang bhakti majeng Ida Sang Hyang Widhi Wasa sané ngicen diri niskala. Rangkepan pratima miwah piranti sakral punika simbol ring bwah loka Sang Hyang Widhi kaparabin akeh menawi tetep satunggal. Asapunika talaer Gedong Saraswati manados sarana antuk nikain raja miwah rakyat ipun mangda mamargi sareng-sareng ring wadah negara manutin Wéda.[2]
- ↑ "Pura Merajan Selonding Besakih, Tempat Seluruh Pretima". Pemerintah Kota Denpasar. 6 Maret 2003. Kaarsipin saking versi asli tanggal 2020-10-30. Kaaksés 25 Oktober 2020.
- ↑ 2,0 2,1 2,2 Ketut Gobyah. "Pura Merajan Selonding". babadbali.com. Kaaksés 25 Oktober 2020.
- ↑ 3,0 3,1 "Pura Besakih". babadbali.com. Kaaksés 25 Oktober 2020.