Karang goak inggih punika silih tunggil kekarangan sané marupa kedis goak. Karang goak taler kawastanin karang manuk santukan rupanyané pateh sakadi tenggek manuk. Kekarangan puniki madué cucuk sané macaling miwah magrigi, miwah madué panyingakan sané bunter. Karang goak puniki magenah ring bucu-bucu sisi luur bebaturan. Prabu miwah pangarasan karang goak kapayasin antuk patra punggel. Ring sor karang goak ketah kajangkepin antuk karang simbar.[1]
Karang manuk utawi karang goak inggih punika simbol beburon paksi sané urip ring bhuana. Watek paksi utawi manuk sané prasida makeber, ngawinang akéh soroh paksi sané madué genah maurip ring wewidangan bhuana utawi wewidangan gunung. Wangsa paksi utawi manuk sané makampid madué wates ngentasin gunung miwah akasa. [2]
↑Gelebet, I Nyoman; Puja, I. G. N. Arinton. (1986). Arsitektur tradisional daerah Bali. Denpasar: Departemen Pendidikan dan Kebudayaan, Proyek Inventarisasi dan Dokumentasi Kebudayaan Daérah. p. 360
Karang goak ring bucun palinggih
