Devdas

Devdas
The theatrical poster of Devdas, featuring the leading cast (Shah Rukh Khan, Aishwarya Rai and Madhuri Dixit). Khan features on the middle, holding a bottle of alcohol, while Rai and Dixit on the right and left of him, respectively. Theatrical release poster
Sutradara	Sanjay Leela Bhansali
Produser	Bharat Shah
Kasurat olih	Prakash Ranjit Kapadia Sanjay Leela Bhansali
Berdasarkan	Devdas olih Sarat Chandra Chattopadhyay
Bintang Pilem	Shah Rukh Khan Aishwarya Rai Madhuri Dixit
Narasi olih	Shah Rukh Khan
Musik olih	Songs: Ismail Darbar Birju Maharaj Score: Monty Sharma
Sinematografi	Binod Pradhan
Uahin olih	Bela Sehgal
Perusahaan produksi	Mega Bollywood
Kadistribusi olih	Eros International Focus International
Tanggal rilis	23 Méi 2002 (2002-05-23) (Cannes Film Festival) 12 Juli 2002 (2002-07-12) (India)
Lantang galah	174 minutes
Negara	India
Basa	Hindi
Budget	₹500 million
Box office	₹998.8 million

Devdas inggih punika pilem mabasa Hindi warsa 2002 sané kaangkat saking novel Devdas sané kakaryanin olih Sharat Chandra Chattopadhyay. Pilem puniki kasutradarain olih Sanjay Leela Bhansali. Kapraginain olih Shah Rukh Khan, Madhuri Dixit, miwah Aishwarya Rai dados pragina utama. Pilem puniki karilis ngangge 6 basa inggih punika Inggris, Prancis, Jerman, Mandarin, Thai miwah Punjabi.

Pemeran Pilem

• Shah Rukh Khan dados Devdas Mukherjee
• Madhuri Dixit dados Candramukhi
• Aishwarya Rai dados Parvati “Paro” Chakraborty
• Jackie Shroff dados Chunnilal
• Smita Jaykar dados Kaushalya Mukherjee
• Manoj Joshi dados Dwijdas Mukherjee
• Ananya Khare dados Kumud Mukherjee
• Milind Gunaji dados Kalibabu
• Dina Pathak dados Ibu Bhuvan
• Vijayendra Ghatge dados Bhuvan Chaudry
• Kirron Kher dados Sumitra Chakraborty
• Tiku Talsania dados Dharamdas
• Ava Mukherji dados Dev’s Badi-ma
• Jaya Bhattacharya dados Manorama
• Sunil Rege dados Neelkanth Chakraborty
• Vijay Chrishna dados Sir Narayan Mukherjee
• Amardeep Jha dados Ibu Kalibabu
• Apara Mehta dados Badi Aapa
• Muni Jha dados Kaka
• Radhika Singh dados Yashomati

Sinopsis

Devdas (Shah Rukh Khan) mawali disubane 10 tiban malajah di Inggris. Kaushalya (Smita Jaykar) kaliwat liangne nyiapang magenep anggo nyambut pianak paling gedéne ento. Kaushalya lantas nyambatin Sumitra ( Kirron Kher) indik Devdas suba tamat masekolah tur suba mulih. Sumitra ngelah panak bajang madan Parvati “Paro” Chakraborty (Aishwarya Rai). Paro mula masawitra raket ajak Devdas uli cenik. Buin manine Devdas neked di jumahne kewala Devdas malunan ka umahne Paro, ane ngranayang Kaushalya gedég merasa Devdas lebih nyayangang Paro. Rasa gedégne ento ngancan ngedénang krana Kaushalya kahasut olih ipahne Devdas ane madan Kumud (Ananya Khare). Devdas sesai malali ka umahne Paro ane ngranayang sang kalih saling tresna. Sedek dina melah, Sumitra teka ka umahne Kaushalya makeneh lakar ngantenang Devdas ajak Paro nanging Kaushalya matbat Sumitra di arep anak rame kanti tusing nyidaang baan naanang rasa lek ne. Sumitra lantas masumpah lakar ngantenang Paro ajak anak muani ane sugihan tekén Devdas. Ulian unduke ene Paro miwah Devdas merasa sebet. Nuju peteng Paro mengkeb-mengkeb nekain Devdas ka umahne tur ketara ajak Narayan, Bapane Devdas (Vijay Crishnaa). Narayan ngoraang Paro tuah anak luh ane tusing beneh, demen nekain anak muani peteng-peteng. Paro ngeling nyakit ati katuduh dadi anak luh nakal. Devdas miyegan ajak Bapanne tur magedi uli umahne. Devdas ngoyong ajak timpalne madan Chunnibabu (Jackie Shroff). Chunnibabu ngenalang Devdas ajak Chandramukhi (Madhuri Dixit). Chandramukhi langsung demen ajak Devdas, nanging tusing kewales. Devdas enu dot apang Paro buung nganten ajak anak muani len ane sugih uli Manikpur madan Bhuvan Chaudhary, kewala Paro tusing nyak tur nglanturang nganten ulian mapaksa.