Marina Albiol

Marina Albiol
eurodiputada
diputada nes Cortes Valencianes
Vida
Nacimientu	Castellón de la Plana, 15 d'avientu de 1982 (41 años)
Nacionalidá	España
Estudios
Llingües falaes	castellanu
Oficiu	política, fisioterapeuta
Llugares de trabayu	Estrasburgu y Bruxeles
Miembru de	Esquerra Unida del País Valencià
Creencies
Partíu políticu	Partit Comunista del País Valencià ; Izquierda Xunida

Marina Albiol Guzmán (15 d'avientu de 1982, Castellón de la Plana) ye una política y fisioterapeuta española d'EUPV, diputada de la VI y VII Llexislatura de les Cortes Valencianes por Castellón y eurodiputada pola coalición de La Izquierda Plural dende 2014.

Biografía

Nacida en Grau de Castelló nel añu 1982, Marina Albiol ye diplomada en fisioterapia y maxisteriu. La so militancia política empezó con 18 años cuando se xunió a les mocedaes d'Esquerra Unida y, de magar, lluchó viviegamente por delles causes venceyaes al ecoloxismu, como la llucha escontra'l fracking y contra les prospeiciones petrolíferes, y a los derechos humanos, asitiándose a favor del pieslle de los CIES, de los derechos de les persones migrantes y del pueblu palestín.^[1]

Carrera política

Marina Albiol mientres un mitin de campaña nes eleiciones europees de 2014

Dende'l 2000 ye militante del PCPV y d'Esquerra Unida del País Valencià, de la que dende 2003 ye miembru del so Conseyu Políticu. Ente 2003 y 2007 foi coordinadora de Joves d'Esquerra Unida del País Valencià y tamién ye miembru de la Comisión Política del PCPV y de la Plataforma per la III República.

Foi escoyida diputada pola provincia de Castellón nes eleiciones a les Cortes Valencianes de 2007 pola coalición Compromís pel País Valencià, qu'abandonó xunto a los sos compañeros d'EUPV formando'l grupu de diputaos non adscritos nel marcu de la crisis de la coalición.^[2]

Repetidamente acusó de corrupción a Carlos Fabra (darréu qu'ésti defraudaría a Facienda casi 1 millón d'euros y nun podía xustificar l'orixe de 3.713.796 euros^[3]) y criticó la construcción d'un aeropuertu en Castellón de la mano tamién de Carlos Fabra, de duldosa utilidá.^[4] Énte una denuncia por inxuries presentada por ésti, Albiol respondió que “nun van poder acallantar la mio voz” y que “voi siguir denunciando la corrupción y les práutiques antidemocrátiques”.^[5]

Tamién denunció la esistencia de contratos irregulares de la Xeneralidá que beneficien al arquiteutu Santiago Calatrava Valls, en concretu ella mesma sacó a la lluz el supuestu sobrecostu del proyeutu del Centru de Convenciones de Castellón pol que Calatrava cobraría 2’7 millones d'euros y que nun empezó a construyise.^[6]^[7]

En payares de 2010 foi escoyida pa encabezar la llista d'EUPV pola provincia de Castellón a les eleiciones a les Cortes Valencianes de 2011.^[8] Como diputada, convirtióse nuna de les principales voceres de la llucha escontra la práutica del Fracking en Castellón y escontra les prospeiciones petrolíferes na zona.^[9]

En 2011 participó na II Flotilla Rumbo a Gaza^[10] que foi retenida poles autoridaes griegues n'Atenes^[11] y en 2013 nes Brigaes qu'entamó UNADIKUM en Gaza.

En 2014 foi escoyida en cuartu llugar na candidatura de la coalición La Izquierda Plural nes eleiciones al Parllamentu Européu de 2014, llogrando finalmente l'escañu d'europarllamentaria nos comicios que se celebraron el 25 de mayu de 2014. Anguaño, ye Miembru de la Mesa del Grupu Confederal de la Izquierda Unitaria Europea/Izquierda Verde Nórdica, amás de ser miembru de la Comisión de Pidimientos y de la Delegación na Asamblea Parllamentaria Euro-Llatinoamericana. Nel Europarllamentu, tamién ye Suplente na Comisión de Desenvolvimientu, na Comisión de Llibertaes Civiles, Xusticia y Asuntos d'Interior, na Comisión d'Investigación Encargada d'Esaminar los Allegamientos d'Infracción y de Mala Alministración na Aplicación del Derechu de la Xunión en rellación col Blanquéu de Capitales y la Elusión y el Fuximientu Fiscales y na Delegación pa les Rellaciones colos Países de l'América Central.^[12]

Cargos desempeñaos

Miembru del Conseyu Políticu y coordinadora de Joves d'Esquerra Unida del País Valencià.
Miembru de la Comisión Política del PCPV.
Miembru de la Plataforma per la III República.
Diputada nes Cortes Valencianes.
Cabeza de llista d'EUPV pola provincia de Castellón a les eleiciones a les Cortes Valencianes de 2011.

Predecesor:
Willy Meyer

Vocera de la Delegación de La Izquierda
Plural nel Parllamentu Européu
2014-actualidá

Socesor:
Nel cargu

Ver tamién

Referencies

↑ «Biografia Marina Albiol». Archiváu dende l'orixinal, el 2017-08-19. Consultáu'l 19 d'agostu de 2017.
↑ Los diputados de EU dejan Compromís, en Levante-EMV del 13/11/2008.
↑ Carlos Fabra defraudó a Hacienda casi un millón de euros en seis años según los peritos, en Cadena SER del 13/05/2010
↑ EU duda que el aeropuerto de Castelló reciba a un millón de pasajeros en 2019, en Levante-EMV del 14/03/2011.
↑ EU busca apoyo parlamentario para Marina Albiol, denunciada por Fabra, en Público del 25/03/2011.
↑ Hemos puesto en evidencia que el PP hace contratos para beneficiar a Calatrava, en El País del 25/03/2011.
↑ EU pide de G. Camps comparezca en Les Corts para hablar del contrato con Calatrava, n'ABC del 16/03/2011.
↑ Marga Sanz encabeza las listas de Esquerra Unida a la Generalitat, en El País del 07/11/2010
↑ EUPV presentará una resolución para declarar la Comunidad Valenciana libre de 'fracking', n'El Mundo
↑ Diario de Marina Albiol en la II Rumbo a Gaza, n'El Mundo
↑ RTVE. «Grecia impide a otro barco de la Flotilla por la Libertad salir rumbo a Gaza». Consultáu'l 4 de xunetu de 2011.
↑ «Marina Albiol, Parlamento Europeo». Consultáu'l 19 d'agostu de 2017.

Enllaces esternos

Blogue de Marina Albiol
Ficha na web de les Cortes Valencianes
Ficha de Marina Albiol nel Parllamentu Européu

[1] «Biografia Marina Albiol». Archiváu dende l'orixinal, el 2017-08-19. Consultáu'l 19 d'agostu de 2017.

[2] Los diputados de EU dejan Compromís, en Levante-EMV del 13/11/2008.

[3] Carlos Fabra defraudó a Hacienda casi un millón de euros en seis años según los peritos, en Cadena SER del 13/05/2010

[4] EU duda que el aeropuerto de Castelló reciba a un millón de pasajeros en 2019, en Levante-EMV del 14/03/2011.

[5] EU busca apoyo parlamentario para Marina Albiol, denunciada por Fabra, en Público del 25/03/2011.

[6] Hemos puesto en evidencia que el PP hace contratos para beneficiar a Calatrava, en El País del 25/03/2011.

[7] EU pide de G. Camps comparezca en Les Corts para hablar del contrato con Calatrava, n'ABC del 16/03/2011.

[EUPV-8] Marga Sanz encabeza las listas de Esquerra Unida a la Generalitat, en El País del 07/11/2010

[Fracking_Castellón-9] EUPV presentará una resolución para declarar la Comunidad Valenciana libre de 'fracking', n'El Mundo

[Diario_de_Marina_Albiol_en_la_II_Rumbo_a_Gaza-10] Diario de Marina Albiol en la II Rumbo a Gaza, n'El Mundo

[11] RTVE. «Grecia impide a otro barco de la Flotilla por la Libertad salir rumbo a Gaza». Consultáu'l 4 de xunetu de 2011.

[12] «Marina Albiol, Parlamento Europeo». Consultáu'l 19 d'agostu de 2017.

[1]

[2]

[3]

[4]

[5]

[6]

[7]

[8]

[9]

[10]

[11]

[12]