Koblenz

Koblenz
Alministración
País	Alemaña
Estáu federáu	Renania-Palatináu
Tipu d'entidá	gran ciudá
Cabezaleru/a del gobiernu	David Langner
Nome oficial	Koblenz (de)
Nome llocal	Koblenz (de)
Códigu postal	56001–56077
Xeografía
Coordenaes	50°21′35″N 7°35′52″E / 50.3597°N 7.5978°E
	Koblenz Koblenz (Alemaña)
Superficie	105.25 km²
Altitú	73 m
Llenda con	Westerwald (es) , Rhein-Lahn (es) y Mayen-Coblenza (es)
Demografía
Población	115 268 hab. (31 avientu 2022); - 55 628 homes
Porcentaxe	2.82% de Renania-Palatináu
Densidá	1095,18 hab/km²
Más información
Prefixu telefónicu	0261 y 02606
Estaya horaria	UTC+01:00 (horariu estándar); UTC+02:00 (horariu de branu)
Llocalidaes hermaniaes	Nevers, Haringey (es) , Norwich, Maastricht, Novara, Austin, Petah Tikva, Varaždin (es) , Maseru, Chengdu, Haskovo (es) y Rouen
	koblenz.de

Koblenz ye una ciudá asitiada a entrambos llaos del Rin nel so confluencia col ríu Mosela. Dempués de Mainz y Ludwigshafen, ye la tercer ciudá más grande nel estáu federáu de Renania-Palatináu (Rheinland-Pfalz n'alemán), Alemaña. Tien 106 417 habitantes (2010).

Historia

El so nome deriva del llatín (ad) Confluentes, "confluencia", y yera unu de los puestos militares establecíos por Drusu'l Mayor nel 8 e.C. La ciudá celebró la so 2000 aniversariu en 1992.

Xeografía

Koblenz ta a veres del Rin, a 92 km al sureste de Colonia (Renania del Norte-Westfalia), con una población que creció de 31.669 (1885) y 53.902 (1905) a 106 417 (2010).

Tien unes estenses fortificaciones defensives, compuestes de fuertes a lo cimero de les llombes qu'arredolen la ciudá al oeste, y de la fortaleza de Ehrenbreitstein al llau opuestu del Rin. La ciudá vieya tien forma triangular, con dos llaos flanqueados pelos ríos Rin y Mosela y el terceru per una llinia de fortificaciones. La postrera foi destruyida en 1890, lo que dexó a la ciudá espandise nesta direición. Xusto al esterior de les antigües muralles ta la nueva estación de ferrocarril, onde se xune la llinia de Colonia-Mainz cola llinia Metz-Berlín.

El monumentu del Deutsches Eck

A la Orde Teutónica concedióse-y un espaciu p'afitar la so casa de los caballeros alemanes (Deutschherrenhaus) xusto na vera de dambos ríos, polo que se-y conoció más tarde como Esquina Alemana (Deutsches Eck).

A finales del sieglu XIX construyó un monumentu a la gloria del Imperiu alemán (apocayá constituyíu gracies a Otto von Bismarck), que la so pieza central yera una escultura ecuestre del Emperador Guillermu I d'Alemaña.

Mientres la Segunda Guerra Mundial, la estatua del Emperador foi destruyida pol exércitu d'Estaos Xuníos. L'alministración francesa d'ocupación intentó derruir dafechu'l monumentu y quixo reemplazalo con unu nuevu.

En 1953, el presidente de la República Federal d'Alemaña Theodor Heuss dedicó'l monumentu a la unidá d'Alemaña, añadiendo signos de los otros estaos federales del oeste, según los perdíos nel este. La bandera d'Alemaña foi asitiada sobre'l pedestal qu'antes portaba'l monumentu al Emperador. El Sarre foi añadíu cuatro años más tarde en definiéndose el Estatutu del Sarre.

El 3 d'ochobre de 1990, el mesmu día que se xunieron los estaos de la difunta República Democrática Alemana, los sos signos fueron añadíos al monumentu.

Como la reunificación alemana consideróse completa, y les árees so l'alministración polaca fueron cedíes a Polonia, el monumentu perdió'l so propósitu oficial activu, siendo, pos, una alcordanza de la historia pasada. En 1993, la bandera d'Alemaña foi reemplazada por una copia de la estatua del Emperador, donada por una pareya local. Darréu amestáronse banderes de distintos estaos de la Xunión Europea.

Monumentu nel Deutsches Eck — Monumentu nel *Deutsches Eck*

Hermanancies

Referencies

Enllaces esternos

Sitiu web oficial

Koblenz n'OpenStreetMap.
Koblenz City Panorames - Fotografíes panorámiques de Koblenz