John Dalton

John Dalton
presidente Sociedad Filosófica y Literaria de Manchester, Reinu Xuníu (es)
secretario (es) Sociedad Filosófica y Literaria de Manchester, Reinu Xuníu (es)
Vida
Nacimientu	Cumberland, 6 de setiembre de 1766
Nacionalidá	Reinu Xuníu de Gran Bretaña ya Irlanda
Llingua materna	inglés
Muerte	Manchester, 27 de xunetu de 1844 (77 años)
Familia
Padre	Joseph Dalton
Casáu con	ensin valor
Estudios
Llingües falaes	inglés; alemán
Alumnu de	John Gough
Profesor de	James Prescott Joule
Oficiu	físicu, matemáticu, meteorólogu, químicu, botánicu
Emplegadores	Universidá d'Oxford
Trabayos destacaos	Teoría atómica; unidá de masa atómica; daltonismu; Ley de las proporciones múltiples (es) ; Ley de las presiones parciales (es) ; A New System of Chemical Philosophy (en)
Premios	ver miembru de la Royal Society ; Medaya Real ; miembru de l'Academia de les Artes y les Ciencies d'Estaos Xuníos ;
Influyencies	John Gough
Miembru de	Royal Society ; Academia de les Artes y les Ciencies d'Estaos Xuníos ; Academia Prusiana de les Ciencies ; Academia Francesa de les Ciencies ; Academia de les Ciencies de Baviera ; Sociedad Filosófica y Literaria de Manchester (es)
Abreviatura en botánica	Jn.Dalton (IPNI)

John Dalton (6 de setiembre de 1766, Cumberland – 27 de xunetu de 1844, Manchester) foi un químicu y matemáticu inglés.

Biografía

Con 12 años, en 1778, entamó a impartir enseñanza elemental en Cumberland, y a partir de 1780 fízolo en Kendal durante 12 años más.

En 1792, a la edá de 26 años treslladóse a Manchester, au impartió matemátiques y filosofía natural nel New College.

En 1793 entamó estudios sobre meteoroloxía, recoyendo a lo llargo de la so vida más de 200.000 notaciones, y esi mesmu año asoleyó Observaciones y Ensayos de Meteoroloxía. Nos sos estudios sobro metereoloxía desendolcó dellos tarecos de medición y propunxo per primer vegada que l'orixe de la lluvia alcuéntrase nel descensu de temperatura. Nesi ámbitu estudió tamién les aurores boreales, y determinó qu'éstes tan rellacionaes col magnetismu de la Tierra.

Estudió la enfermedá que padecía, conocida como acromatopsia y postreramente denomada daltonismu nel so honor, y asoleyó Extraordinary Facts Relating to the Vision of Colours (1794). A partir de 1800 pasó al enseñu priváu y ocupó'l cargu de secretariu de la Sociedá Filosófica y Lliteraria de Manchester, que presidió a partir de 1817.

Foi alumnu suyu el tamién físicu James Prescott Joule, que más sero efectuó estudios sobro magnetismu y que punxo les bases pal desendolcu de les lleis sobro'l caltenimientu de la enerxía (termodinámica).

En 1801 enunció la llei de les presiones parciales y la de les proporciones múltiples.

En 1805 espuso la teoría atómica na que se sofita la ciencia física moderna. Demuestra que la materia compónse de partícules indixebrables denomaes átomos. Tamién ideó una escala de símbolos químicos, que foren dempués reemplazaes pola escala de Berzelius.

En 1826 concedióse-y la Medaya d'Oru de la Royal Society de Londres, asina como de l'Academia Francesa de les Ciencies.

Morrió en Manchester en 1844, a la edá de 78 años. Más de 40.000 persones acudieron al funeral pa presentar los sos respetos al científicu.

Los errores de Dalton por culpa del daltonismu

La ceguera a ciertos colores que padecía, conocía anguaño como daltonismu, gastó-y dalgunes males pasaes al inglés. Al intre d'esperimentar les sos teoríes nel llaboratoriu, poques vegaes pudo comprobales, darréu que trafulcaba los frascos de reactivos. Sicasí, continuaba firme defendiendo les sos idees nel papel.

Otra muestra d'esta ceguera ocurrió en 1832, cuando foi a conocer al rei Guillermu IV y llució una vistimienta académica escarlata (bermeyu), un color desavezáu pa un home de la so discreción. La razón: él veíala de color buxu polo que nun entendía la sospresa ente los sos conocíos. Dalton descubrió que tenía esta afeición porque a la hora d'esperimentar les sos teoríes trafulcaba los frascos de reactivos. Asina, el daltonismu foi descritu per primer vegada por John Dalton en 1808. Él, al empar que'l so hermanu, sofría d'esti error xenéticu qu'en términos cenciellos, nun dexar estremar colores como'l bermeyu y el verde.

Referencies

↑ ^1,0 ^1,1 URL de la referencia: https://www.biography.com/people/john-dalton-9265201. Data de consulta: 25 xineru 2019.
↑ Biblioteca Nacional de Francia. «autoridaes BNF» (francés). Consultáu'l 15 payares 2016.
↑ Afirmao en: Gran Enciclopedia Soviética (1969–1978). Sección, versículu o párrafu: Дальтон Джон. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
↑ ^4,0 ^4,1 Afirmao en: autoridaes BNF. Identificador BnF: 13746608g. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ Identificador CONOR.SI: 272305763. Afirmao en: CONOR.SI.
↑ Afirmao en: NNDB. Llingua de la obra o nome: inglés.

Enllaces esternos

«John Dalton». en Find a Grave. (n'inglés)
John Dalton Archiváu 2005-04-12 en Wayback Machine (n'inglés)
John Dalton - Red escolar Archiváu 2004-11-28 en Wayback Machine (castellán)
John Dalton - CICA - España (castellán)
Test de daltonismu (castellán)
Claus Bernet: John Dalton (1766-1844), in: Biographisches-bibliographisches Kirchenlexikon, 31, 2010, 309-332.

[0f72aff0dfebe3dd40728aef6a77749f9963b031-1] 1,0 ^1,1 URL de la referencia: https://www.biography.com/people/john-dalton-9265201. Data de consulta: 25 xineru 2019.

[f73650986abd7f2f8cc43240ca5678e4265b39be-2] Biblioteca Nacional de Francia. «autoridaes BNF» (francés). Consultáu'l 15 payares 2016.

[3ab70649180872051b661b5b044252a5c4ab0d6f-3] Afirmao en: Gran Enciclopedia Soviética (1969–1978). Sección, versículu o párrafu: Дальтон Джон. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.

[01d15dccf21d4b681d9c6a42f41df036a993c8c6-4] 4,0 ^4,1 Afirmao en: autoridaes BNF. Identificador BnF: 13746608g. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[54affe5b6019bef10d7eebbdcf5c38dd97842151-5] Identificador CONOR.SI: 272305763. Afirmao en: CONOR.SI.

[757e4753c6072dfb329049414d9ad07e4b153b5d-6] Afirmao en: NNDB. Llingua de la obra o nome: inglés.

[1]

[2]

[3]

[4]

[5]