Hugo Pratt

Hugo Pratt
Vida
Nacimientu	Rimini, 15 de xunu de 1927
Nacionalidá	Italia
Residencia	Grandvaux (es)
Muerte	Pully (es) , 20 d'agostu de 1995 (68 años)
Sepultura	Grandvaux (es)
Causa de la muerte	cáncanu colorrectal
Estudios
Llingües falaes	italianu
Profesor de	Alfonso Font
Oficiu	historietista, novelista, escritor, pintor, guionista, animador, ilustrador, dibuxante
Trabayos destacaos	Corto Maltés (es) ; Indian Summer (es)
Premios	ver Yellow Kid Award (1969) ; Premio Saint-Michel (1974) : Q3235358 ; Premio Saint-Michel (1977) ; Premiu del Festival Internacional del Cómic d'Angoulême al meyor álbum (1987) : Indian Summer (es) ; Gran Premiu de la Villa d'Angoulême (1989) ; Will Eisner Hall of Fame (2005) ;
Seudónimos	Hugo Pratt
IMDb	nm0695463

Ugo Eugenio Prat (15 de xunu de 1927, Rimini – 20 d'agostu de 1995, Pully ^(es) ), conocíu como Hugo Pratt, foi un dibuxante de cómic, novelista y guionista italianu, creador del personaxe Corto Maltés, unu de los más internaciones del fumetto italianu.

Los anicios

Fíu de Rolando Prat (militar de carrera) y Evelina Genero, la so vida xiró sobremanera alredor de la ciudá de Venecia; dos de les sos historietes tán ambientaes nesa ciudá, L'angelo della finestra d'oriente y Favola di Venezia (Sirat Al-Bunduqiyyah). So güela paterna yera una veneciana sefardina, procedente de la familia Toledano.

Infancia y mocedá

Magar tener nacío nuna aldea averada a Rimini, Hugo Pratt considerábase venecianu, por ser Venecia la ciudá na que se crió. Nel añu 1937 la so familia treslladóse a Etiopía, depués de la ocupación por parte de la Italia de Mussolini. Ellí so padre trabayaría nuna oficina dedicada a la producción de carreteres. Cuando estalló la guerra, so padre alistóse nun batallón de defensa nacional. En 1943, so madre y él fueron evacuaos d'Etiopía, pero so padre foi capturáu polos franceses en Harrar, morriendo en 1944 de cáncer de fégadu nun campu de prisioneros.

Depués de la guerra, Pratt asistió a la escuela militar en Città di Castello. Gracies al so dominiu del inglés, en 1944 convirtióse n'intérprete pal exércitu aliáu. Al añu siguiente unióse al autodenomináu Grupu Venecia y, con personalidaes del mundu de la historieta como Alberto Ongaro, Dino Battaglia y Mario Faustinelli, creó la revista Asso di Picche. El presonaxe d'Asso di Picche, un héroe mazcaritáu, foi un ésitu, especialmente n'Arxentina, onde va ser invitáu l'añu 1944.

La revista atraxo a munchos xóvenes con talento como Dino Battaglia, Rinaldo D'Ami, Giorgio Bellavitis. Pratt atendió la invitación de la Editorial Abril con otros amigos del gruppo di Venezia, y marchó a vivir a la ciudá de Buenos Aires onde tuvo trece años.

Estancia n'Arxentina

En 1949 Pratt asitióse en Buenos Aires, Arxentina, onde trabayó como editor pa la Editorial Abril. Na revista d'aventures Misterix conoció a artistes arxentinos como José Luis Salinas, José Muñoz y Francisco Solano López, pero sobre tod, a la persona que más influiría na so carrera posterior, l'inventor del oficiu de guionista d'historietes, Héctor Germán Oesterheld col que collaboraría dibuxando pa él Sargento Kirk (1952), Ticonderoga (1957-58) y Ernie Pike (1957-59).

Al mesmu tiempu que trabayaba pa la Editorial Frontera d'Oesterheld, daba clases, xunto con Alberto Breccia, de dibuxu na Escuela Panamericana d'Arte, en Brasil, alternando l'actividá didáctica con frecuentes escursiones a l'Amazonía, al Mato Grosso y otros llugares exóticos. A lo llargo d'esti periodu va facer el so primer cómic como autor completu Anna de la jungla, que va ser siguíu por Capitan Cormorant y Wheeling. L'últimu va ser completáu depués de tornar a Italia.

Ente 1959 y 1960 treslladóse a Inglaterra, onde asoleyó pa Fleetway Publications, mientres asistía a clases na Real Academia d'Acuarela.

Regresu a Italia

Como Arxentina taba atravesando un momentu económicamente abegosu, Pratt tornó a Italia en 1962. Ellí trabauó na revista infantil Il Corriere dei Piccoli. En 1967 entamó Corto Maltés, que trata sobre les aventures d'un pirata románticu y, a la so manera, caballerosu. Esti personaxe sería el que-y daría la fama a Pratt. L'éxitu de Corto espardióse dende Francia, onde yeren editaos por Publicness, hacia Italia y, pasu ente pasu, otros países. En total fizo 29 histories sobre esti personaxe.

En 1967 entamaría una nueva serie: Gli scorpioni del deserto.

En 1970 y 1973, Pratt tornaría a Etiopía, alcontrando la tumba de so padre en Harrar.

Referencies

↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
↑ ^2,0 ^2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
↑ URL de la referencia: http://doc.rero.ch/record/72391/files/1995-08-21.pdf#page=4.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ URL de la referencia: https://www.comic-con.org/awards/2000s. Data de consulta: 10 setiembre 2021.

Enllaces esternos

Hugo Pratt na Internet Movie Database (n'inglés)
«Hugo Pratt». en Find a Grave. (n'inglés)

[205eabda4a2cf7d4f8ede558f514fc289fb74afd-1] Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.

[abc9457dcf728dd069b8ed5b2e1a86035cf2b679-2] 2,0 ^2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.

[9d4f05c8795a5f720d3968ce96746390eafef1b9-3] URL de la referencia: http://doc.rero.ch/record/72391/files/1995-08-21.pdf#page=4.

[a318bafcb4e3018395163c084e53bddf3f1b9550-4] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[6486374fc87c12c7e3c15dcbf98b4210cc4823ab-5] URL de la referencia: https://www.comic-con.org/awards/2000s. Data de consulta: 10 setiembre 2021.

[1]

[2]

[3]

[4]

[5]