Das Kapital
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Das Kapital | |
---|---|
![]() | |
obra escrita | |
Datos | |
Autor | Karl Marx |
Fecha | 1867 |
Xéneru | ensayu |
Llingua de la obra | alemán |
País orixinal |
![]() |
Formáu por |
Capital, Volume I (en) ![]() Das Kapital, tomu II Das Kapital, tomu III |
![]() |
Das Kapital (llit. El capital) ye la obra mayor del filósofu y teóricu de la economía política alemana Karl Marx.
Marx dedicó más de venti años de la so vida a escribir esta obra, pero nun acabó más qu'una parte: el primer llibru, asoleyáu en 1867, consagráu al desarrollu de la producción capitalista. Borradores de Marx fueron utilizaos por Friedrich Engels pa publicar los «llibros 2 y 3», en 1885 y 1894. Los apuntes de Marx dedicaos a la historia de les doctrines económiques fueron asoleyaos pol socialista alemán Karl Kautsky na obra Theorien über den Mehrwert ("Teoríes de la plusvalía", 4 vol., 1905-1910).
Foi observando la industria británica contemporánea y les sos condiciones de trabayu, sofitándose y criticando les anteriores teoríes de la economía política (tales como les de David Ricardo o Adam Smith) que Marx pretendió demostrar la naturaleza real del capitalismu, y poner l'acentu sobre les contradiciones internes d'esi sistema.
L'autor consideraba el mesmu a la so obra como «el más temible misil que fuera llanzáu a la cabeza de la burguesía».
Idees principales de la obra
[editar | editar la fonte]La conclusion de Marx ye que'l capitalismu ye un sistema a la vez inxustu ya inestable, qu'aliena a los seres humanos, y nel que la base sobre la que se sofita ye «la esplotación de los trabayadores» baxo la forma del sistema de salariu. Per otra parte, Marx estima que'l capitalismu deberá ser reemplazáu por un modu de producción fundáu sobre la propiedá común, reemplazando'l trabayu asalariáu pol trabayu llibre y cooperativu.