Build

Build
Desendolcador(es)	Ken Silverman
Escritu en	Llinguaxe de programación C
Sistema operativu	DOS (es)
Plataforma	MS-DOS
Tipu	motor gráfico (es)
Más información
Sitiu web	Web oficial

Build ye un motor de xuegu para videoxuegos de disparos en primer persona creáu por Ken Silverman para 3D Realms. Al igual qu'en Doom, el motor Build representa'l so mundu nuna malla bidimensional, utilizando formes zarraes en 2D llamaes sectores, y usando oxetos planos simples llamaos sprites pa poblar el mundu creáu.

Ye consideráu como un motor 2.5D, yá que la xeometría básica del mundu ye bidimensional col agregu d'una componente n'altor, faciendo que cada sector pueda tener distintos altores ente techu y suelu, ya inclusive dexando distintos graos d'enclín del propiu sector. El motor renderiza el mundu de tala forma que paez en 3D. Sicasí, la perspeutiva namái depende de la distancia horizontal.

Carauterístiques téuniques

Sectores

Build dexaba la creación de mundos más complexos y flexibles qu'otros motores, como'l de Doom, por cuenta de la representación que tenía de la información del mundu. Los sectores podíen ser manipoliaos en tiempu real; la so forma, altor y ángulos d'enclín yeren totalmente variables, ensin necesidá de recalcular la información de renderizado.

Vóxeles

Les últimes versiones del motor Build dexaben sustituyir los tiles por oxetos 3D fechos con vóxeles. Esta carauterístiques apaeció demasiáu tarde pa ser utilizada en Duke Nukem 3D, pero foi vista en xuegos posteriores qu'utilizaben Build. Mientres dellos años, Ken Silverman trabayó nun motor gráficu modernu basáu dafechu en vóxeles, llamáu Voxlap.

Videoxuegos qu'utilicen Build como motor gráficu

Build ye más conocíu como'l motor qu'utilizó'l videoxuegu Duke Nukem 3D, anque foi utilizáu pa un gran númberu de xuegos:

Videoxuegos qu'utilizaron direutamente Build

Blood (1997)
Duke Nukem 3D (1996)
Exhumed (PowerSlave n'Estaos Xuníos) (1996)
Shadow Warrior (1997)
TekWar (1995)
Witchaven (1995)
Witchaven II: Blood Vengeance (1996)

Videoxuegos basaos nel códigu fonte de Duke Nukem 3D:

Estreme Paintbrawl (1998)
NAM (1998)
Redneck Deer Huntin (1997)
Redneck Rampage (1997)
Redneck Rampage Rides Again (1998)
WW2 GI (1999)

Videoxuegos ensin publicar

Legend of the Seven Paladins (completu pero nunca publicáu, al utilizar illegalmente'l motor Build)
Fate (ensin terminar)
Corridor 8: Galactic Wars (ensin publicar, códigu fuente disponible)

Códigu fuente y versiones

El códigu fuente de Build, escritu en C, foi lliberáu'l 20 de xunu de 2000.

ICCULUS port

Ryan C. Gordon (alies ICCULUS) fixo'l primera port del motor utilizáu SDL. Foi desenvueltu orixinalmente en Linux, pa ser portáu más tarde a una versión pa Windows con Cygwin y finalmente a una versión nativa pa Windows al traviés del compilador Watcom C++.

JonoF port

Un segundu port foi realizáu por Jonathon Fowler (alies JonoF), esta vegada empezando dende Windows y terminando en Linux. Esti port faía usu de DireutDraw en Windows, siendo por norma xeneral más rápidu.

Polymost

Tres la publicación del códigu fonte de Duke Nukem 3D, Ken Silverman empezó la xera de faer que Build trabayara realmente en 3D. El renderizador Polymost dexa acelerar gráficos en 3D al traviés d'OpenGL ya introduz testures n'alta resolución en distintos formatos. Delles versiones posteriores de Duke Nukem 3D fixeron usu de Polymost.

Referencies

Enllaces esternos

Sitio web de Ken Silverman alrodiu de Build (n'inglés)
Sitio web sobre la versión Icculus (n'inglés)
Sitio web sobre la versión JonoF (n'inglés)
Códigu fuente de Build (n'inglés)