Arte carolinxo

Interior de la Capiya Palatina, en Aquisgrán.

L'arte carolinxo vien del Imperiu francu nel periodu d'aproximao 120 años dende alredor 780 hasta 900 —mientres el reináu de Carlomagno y los sos herederos inmediatos— popularmente conocíu como Renacimientu carolinxu. L'arte foi producíu por y pal círculu de la corte y un grupu d'importantes monesterios sol patrociniu imperial; los exemplos que sobreviven fuera d'esti círculu encantáu amuesen una cayida considerable na calidá de l'artesanía y la sofisticación del diseñu. L'arte foi producíu en dellos centros no qu'agora son Francia, Alemaña, Austria, el norte d'Italia y los Países Baxos, y recibió considerable influyencia, al traviés de centros misioneros continentales, del arte insular de les islles britániques, según una serie d'artistes bizantinos que paecen morar en centros carolinxos.

Per primer vegada, nel norte d'Europa intentóse resucitar y emular les formes y estilos clásicos del arte mediterráneo, que dieron llugar a una combinación d'elementos clásicos y nortizos nun estilu suntuoso y dignificaosobremanera introduciendo l'enfotu septentrional de la representación de la figura humana, y preparando l'escenariu pal surdimientu del arte románicu y finalmente del arte góticu n'Occidente. La era carolinxa ye parte del periodu nel arte medieval dacuando llamáu Prerrománicu. Dempués d'un intervalu bastante caóticu que siguió al periodu carolinxu, la nueva dinastía otoniana alicó l'arte imperial a partir de 950, construyendo sobre, y desenvolviendo más, l'estilu carolinxu pa dar llugar al arte otoniano.

Arquiteutura

Plantía:Extracto

Pintura

Evanxelios de Lorsch 778–820. Escuela palatina

De la pintura, tantu de temes sacres como profanos, queden pocos fragmentos, pero d'estraordinariu valor, en Saint-Germain de Auxerre (Yonne) y na cripta de San Máximu de Tréveris, según les pintures de San Juan de Müstair.

L'únicu mosaicu foi mandáu construyir nun ábside d'un oratoriu de Germigny-des-Prés.

Evangeliario de Godescalco, ca. 781-783
Evangeliario de San mediaos de Socissons, principios del sieglu IX
Evangeliario de Ebo, ca. 823
Codex Aureus de Lorsch

La miniatura carolinxa ta representada por una diversidá d'escueles:

Escuela palatina: creada na corte, ejemplificada nel Evangeliario de la Coronación (Viena), que según la tradición foi topáu por Otón III a los pies del cadabre de Carlomagno, cuando s'abrir el so sepulcru; y Evangeliario de San Medardo de Soissons (Biblioteca nacional de Francia).
Escuela de Ada: rellacionada cola anterior, emplega abondosamente'l oru y la plata. Destaca'l Evangeliario de Godescalco (Godesscalc o Godescalc) que se caltién na Bibl. Nal. de Francia.
Escuela de Tours: xira en redol a la figura d'Alcuino de York. Siéntese influyencia irlandesa. La so obra más importante ye la primera de les Biblies de Carlos el Calvo (Bibl. Nal. de Francia).
Escuela de Reims: marca la evolución escontra'l románicu. Produció'l Salteriu d'Utrecht (Bibl. Universitaria d'Utrecht) y el Evangeliario de Ebo (Bibl. de Épernay).
Otres escueles: rellacionaes cola escuela de Reims tán les de Saint Denis, Metz y Fulda, que se rellacionen coles obres otonianas del sieglu X.

Escultura

Altar de San Ambrosio de Milán, obra de Vuolvinus (c. 850)

La escultura queda llindada a una función decorativa discreta, en capiteles clásicos onde la piedra toma protagonismu en llugar del mármol.(Como'l representando a daniel nel foso de los lleones)

Queden delles pequeñes talles en marfil: les del "grupu de Ada", nome d'una hermana de Carlomagno, les del grupu de Liutardo (British Museum) y los de la escuela de Metz.

Nel Muséu del Louvre puede trate una pequeña estatua ecuestre en bronce de Carlomagno.

Ente les artes aplicaes, destaca la orfebrería, con esmaltes d'influyencia bizantina. Ente les pieces que se caltienen de la dómina, cabo mentar:

Imagen relicario de Sainte-Foy (catedral de Conques)
Altar d'oru de San Ambrosio de Milán, h. 850
Mota de Tasilo (Kremsmünter)
Tapa del Evangeliario de Lindau (Morgan Library)
La corona de fierro de los longobardos (Ayalga de la catedral de Monza)

Referencies

Azcárate Ristori, J. M.ª de, y otros, Historia del arte, Anaya, Madrid, 1986. ISBN 84-207-1408-9

Enllaces esternos

Ars Summum: galería llibre d'imáxenes sobre tola Historia del Arte