Ed Flanders
Ed Flanders![]() | |
---|---|
Vida | |
Nacimientu | Minneapolis, 29 d'avientu de 1934[1] |
Nacionalidá |
![]() |
Llingua materna | inglés |
Muerte |
Denny (en) ![]() |
Causa de la muerte | suicidiu |
Familia | |
Casáu con | Ellen Geer |
Fíos/es | Ian Geer Flanders |
Estudios | |
Estudios |
Patrick Henry High School (en) ![]() |
Llingües falaes | inglés[2] |
Oficiu | actor de teatru, actor de cine, actor de televisión, actor |
Premios | |
IMDb | nm0281130 |
![]() |
Edward Paul Flanders (29 d'avientu de 1934, Minneapolis – 22 de febreru de 1995, Denny (en) ) foi un actor d'orixe estauxunidense, conocíu principalmente pol so rol como'l Dr. Donald Westphall nel drama médicu St. Elsewhere.
Biografía
[editar | editar la fonte]Ed Flanders nació'l 29 d'avientu de 1934 en Minneapolis, Minnesota, fíu de Francis Michael Grey Flanders y la so esposa Bernice.[3] Flanders empezó la so carrera d'actor en Broadway enantes d'integrase como convidáu a les series de televisión del momentu. Ente 1967 y 1975, Flanders apaez en más d'una docena de serie de televisión d'Estaos Xuníos, incluyendo seis actuaciones na serie Hawaii Cinco-0. Mientres esti tiempu, tamién realiza delles películes pa la televisión, y contrái matrimoniu cola actriz Ellen Geer.
A finales de la década de 1970, Flanders dexa los papeles pequeños en series, y empieza a integrar roles de mayor importancia en televisión y cine. En 1974, Flanders ganó un Premiu Tony pola categoría Meyor Actor de Repartu nuna Presentación Dramática pol so rol en A Moon for the Misbegotten en Broadway.
St. Elsewhere
[editar | editar la fonte]En 1982, entra a la serie St. Elsewhere como'l xefe de medicina, Doctor Donald Westphall, lo que lo llevará a ser nomáu a cuatro Premios Emmy na categoría Meyor Actor nuna Serie de Televisión, obtiniendolo en 1983. Dempués d'una problemática salida de la serie en 1987, retorna pa 2 episodios más de la serie, incluyendo'l final d'ésta en 1988.
Roles Notables
[editar | editar la fonte]Sumando a los sos seis años como'l Dr. Donald Westphall en St. Elsewhere, Flanders ye tamién conocíu por asonsañar al presidente d'EEXX Harry Truman delles vegaes en distintes producciones. En filmes, Flanders protagonizó dos importantes roles en películes escures basaes nes noveles de William Peter Blatty. Nuna d'elles, The Ninth Configuration, Flanders desempeña'l papel del coronel Richard Fell.
Últimos años y Muerte
[editar | editar la fonte]Flanders siguió trabayando hasta principios de los años 1990, cuando yá sufría de depresión, particularmente depués de 1992, cuando se divorció de la so segunda esposa y tenía problemes financieros nel so ranchu de California. Finalmente suicídase disparándose'l 22 de febreru de 1995 en Denny, California.
Nominaciones y Premiu
[editar | editar la fonte]Nominaciones al Emmy
[editar | editar la fonte]- 1979 - Meyor actor de repartu nuna serie llindada o un especial, por: "Backstairs at the White House"
- 1985 - Meyor Actor Principal en Serie Dramática, por: "St. Elsewhere"
- 1986 - Meyor Actor Principal en Serie Dramática, por: "St. Elsewhere"
- 1987 - Meyor Actor Principal en Serie Dramática, por: "St. Elsewhere"
Premios Emmy
[editar | editar la fonte]- 1976 - Rendimientu Individual Estraordinariu por un Actor de Repartu en Comedia o drama Especial, por: "A Moon for the Misbegotten"
- 1977 - Meyor actor nun drama o comedia especial, por: "Harry S. Truman: Plain Speaking"
- 1983 - Meyor Actor Principal en Serie Dramática, por: "St. Elsewhere"
Premios Tony
[editar | editar la fonte]1974 - Premiu Tony al meyor actor de repartoos nuna presentación dramática por "A Moon for the Misbegotten" d'Eugene O'Neill.
Referencies
[editar | editar la fonte]- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Identificador CONOR.SI: 62206563. Afirmao en: CONOR.SI.
- ↑ Biografía de Ed Flanders n'inglés (1934-1995)