Reinu d'Aksum
El Reinu d'Aksum (o Axum) foi un importante reinu comerciante del noreste d'África. Surdió nel periodu protoaksumita alrodiu del sieglu IV e.C. y establecióse nel sieglu I. Tuvo fondamente implicáu nel comerciu con India y col este del Mediterraneu. Nel sieglu III, Aksum entamó a interferir nel sur d'Arabia, controlando n'ocasiones l'oeste de la rexón de Tihama, ente otres. A fines del sieglu III escomenzó a alcuñar la so propia moneda. El profeta Manes considerábala como ún de los cuatro estaos más poderosos del mundu xunto al imperiu sasánida, l'Imperiu romanu y China.
| ||||
|---|---|---|---|---|
| estáu desapaecíu | ||||
 | ||||
| Alministración | ||||
| Capital | Aksum (ciudá) | |||
| Forma de gobiernu |
monarquía feudal monarquía | |||
| Relixón oficial | Ilesia ortodoxa etíope, islam y xudaísmu | |||
| Xeografía | ||||
| Coordenaes | 14°07′42″N 38°43′02″E / 14.1283969°N 38.7172569°E | |||
 | ||||
| Economía | ||||
| Moneda |
Moneda aksumita (es)  | |||
 | ||||
En 325 o 328 foi'l primer gran imperiu en convertise al cristianismu baxo'l rei Ezana y foi tamién el primer estáu n'emplegar la imaxe de la cruz nes sos monedes. Nel so momentu de mayor rellumu, Aksum controlaba'l norte d'Etiopía, Eritrea, el norte de Sudán, Xibuti, l'oeste de Somalilandia, Yeme y el sur d'Arabia Saudita, con cerca de 1,25 millones de km². Tres una segunda edá d'oru a anicios del sieglu VI, el reinu empecipió a escayer, aparando d'alcuñar monedes a entamos del sieglu VII. Finalmente desapaeció cola invasión de la reina pagana o xudía Gudit nel sieglu IX o X, dando pasu a una era escura de la que poco se sabe hasta l'ascensu de la Dinastía Zagüe.
Reis d'Aksum
editar- Zoskales, 100 dC.
- Gadarat, ¿?
- Adhebah, 230-240
- Sembrouthes, ¿?
- Endubis, 270-300
- Aphilas, ¿?
- Wazeba, ¿?
- Ousanas, ¿?-320
- Ezana, 321-360
- Mehadeyis, 360
- Ouazebas, ¿?
- Eon, 400
- Ebana, ¿?
- Nezool,¿?
- Ousas, 500
- Kaleb, ¿?
- Alla Amidas, 540
- Wazena, ¿?
- Wa'zeb, ¿?
- Ioel, ¿?
- Hataz, 575
- Saifu, 577
- Israel, 590
- Gersem, 600
- Armah, 614
- Ashama ibn Abjar, ¿?
- Dil Na'od, 915
Bibliografía
editar- Stuart Munro-Hay. Aksum: A Civilization of Late Antiquity. Edinburgh: University Press. 1991. ISBN 0-7486-0106-6
- Yuri M. Kobishchanov. Axum (Joseph W. Michels, editor; Lorraine T. Kapitanoff, translator). University Park, Pennsylvania: Penn State University Press, 1979. ISBN 0-271-00531-9
Referencies
editarEnllaces esternos
editar- East-West Orientations of Historical Empires
- Civilizations in Africa: Axum
- Ancient Horn of Africa:Axum Archiváu 2007-06-24 en Wayback Machine
- Ethiopian Treasures - Queen of Sheba, Aksumite Kingdom - Aksum Archiváu 2010-03-23 en Wayback Machine
- Ancient History Sourcebook: Accounts of Meröe, Kush, and Axum
Datos: Q139377
Multimedia: Kingdom of Aksum