صلب
| ||||
|---|---|---|---|---|
  | ||||
تعديل  |
||||
صلب هيا حالة من حالات المادة بتتميز بمقاومتها الشديدة اوى للتشويه وتغيير الحجم. ولما نشوف المادة الصلبة تحت المكروسكوب نقدر نحدد تلت خصايص ليها وهيا:
- الذرات او الجزيئات اللى بتتكون منها المادة الصلبة بتتواجد فى صورة قريبة اوى من بعضها ودا بيديها الصلابة.
- العناصر الصلبة ليها مكان سابت فى الفراغ بالنسبة لبعضها عشان كده المواد الصلبة ناشفة(صلبة) ولما نطبق عليها قوة كافية الخصايص دى بتختفى والتغيير ده بيسبب تشوه دايم.
- عشان كل مادة صلبة ليها طاقة حرارية فان ذراتها بتتهز. بس الاهتزازات دى سريعة وزغيرة اوى وما ينفعش نلاحظها فى الظروف العادية.
المواد الصلبة ممكن نقسمها لـ:
- المعادن.
- البوليمرات.
- المركبات.
- المواد الحيوية(Biomaterials).
- اشباه الموصلات(Semiconductors).
فرع الفيزيا اللى بيتعامل مع المواد الصلبة اسمه فيزيا الجوامد وده نوع من انواع فيزيا المواد المكثفة. علم المواد بيهتم اصلن بخصايص المواد الصلبة زى قوة الشد وتحويل المواد من صورة للتانية وده بيخليه يتداخل مع فيزيا الجوامد. كيميا الجوامد كمان بتتداخل معاهم.