شيشه
| ||||
|---|---|---|---|---|
 | ||||
| الاستعمال | تدخين | |||
تعديل  |
||||
الشيشه (و اسمها كمان النارجيله الأرجيله أو النله) هيا اداه تدخين بتعتمد على تمرير دخان التبغ المشتعل بالفحم بالميه قبل استنشاقه.
تاريخها
نبات التبغ هو نبات استورد من الامريكيتين بعد اكتشافها و نقل و انزرع فى كل العالم و هو من مكتشفات العالم الجديد نقله كريستوفر كولومبوس لاوربا و بعدها اتنقل لبقيه البلاد و انزرع و اتطورت زراعته, كان الهنود الحمر اول اللى استخدم التدخين للتبغ تاريخيا.
اجزاء الشيشه
الشيشه بتتألف من خمس أجزاء:
- الراس و هيا وعاء بيتحط فيه التبغ و الفحم المشتعل اللى بيحرق التبغ و بيتصنع فى العاده من الطفله ليه فتحتين اللى تحت صغيره و بتدخل فى الانبوب و اللى فوق واسعه مع فتحات صغيره بتسمح بدخول الهوا.
- الصحن و اللى بيكون تحت الراس بيلقط الرماد و بيتصنع فى العاده من معدن.
- جره المياه, هيا وعاءفيه ميه و بتتصنع فى العاده من زجاج مزخرف.
- الأنبوب اللى بيحمل الراس من ناحيه و بيغطس بالميه من ناحيه تانيه و ليه فتحه جانبيه بيتحط فيها خرطوم السخب و بيتصنع فى العاده من معدن.
- الخرطوم اللى بيدخل من طرف بالانبوب و الطرف التانى لسحب الدخان و استنشاقه.
أنواع التبغ
فيه انواع كتير منها:
- الناشف و هوا تبغ مجفف و لاستعماله بينقع ف الميه و بتيصفى و بيفضل رطب و اسمه فى لبنان و سوريا تنباك عجمى.
- المعسل و هوا تبغ منقوع فى عصير الفواكه أو الدبس أو العسل.
اسامى الشيشه
أسماء على حسب البلد:
- شيشه, و معناها الزجاج فى اللغه الأعجميه, فى شمال افريقيا وبلاد الخليج العربى
- أركيله فى بلاد الشام.
- نركيله (nargile) فى العراق و تركيا.
- حقه (हुक़्क़ा,,hookah) فى شبه القاره الهنديه.
- ووتر بايب (waterpipe) أو هابل بابل (hubble buble) أو (Hookah) فى اللغه إلانجليزيه.
- قليان: فى إيران.
- فاتنبيبا (Vattenpipa) فى اللغه السويديه.
- الرشبه فى اليمن.
