Vapor

Pa la descripción como estau fisico, se veiga vapor d'augua.

Erupción en fase liquida de Castle Geyser en Yellowstone Park

A vapor ye agua en a fase gaseosa, que se forma cuan ista bulle u s'esvapora. A vapor ye invisible; manimenos, "vapor" a sobén se refiere a la vapor humeda, a boira visible u l'aerosol d'as chislas d'agua que se forman a mida que ista vapor d'agua se condensa. A presions inferiors, tals como en l'atmosfera superior u en a parti superior d'as altas montanyas, l'augua bulle a una temperatura mas baixa que a nominal 100 °C a presión stándard. Si se calienta mas se torna en vapor sobrecalentau.

A entalpía d'a vaporización ye a enerchía requiesta pa convertir l'augua en forma gaseosa cuan puya o suyo volumen en 1.700 vegadas a la temperatura y presión stándard; iste cambio en o volumen se puet convertir en treballo mecanico a traviés de motors de vapor, como os motors de pistons y as turbinas de vapor, que son un subgrupo de motors de vapor. As maquinas de vapor de tipo pistón chugoron un papel central en a Revolución Industrial y as turbinas de vapor modernas se fan servir pa chenerar mas d'o 80% d'a electricidat d'o mundo. Si l'augua liquida dentra en contacto con una superficie muit calient u se despresuriza ascape por debaixo d'a suya presión de vapor, puet creyar una explosión de vapor.