Tectonica
A Tectonica ye a especialidat d'a Cheolochía que estudia as estructuras cheolochicas producidas por deformación, as que as rocas prenen dimpués d'haber-sen formato, asinas como os procesos que las orichinan.
Tectonica y Cheolochía Estructural
[editar | modificar o codigo]O releu terrestre depende en buena mesura d'as estructuras cheolochicas, ye dicir, de cómo sigan disposatos os materials que lo composan. As estructuras d'as formacions rocosas son de dos clases:
- Estructuras orichinals. Son as estructuras que se forman cuan se forma tamién a roca, por os mesmos procesos petrocheneticos que forman as rocas. Por eixemplo, en as rocas sedimentarias a estructura orichinal tipica ye en forma d'estratos, por un regular paralelos, a vegatas cruzatos; en as rocas volcanicas son as colatas de lava y conos volcanicos; en as rocas intrusivas son los plutons y diques.
- Estructuras deformatas. Son estruturas alteratas por l'aplicación natural de fuerzas dirichitas (esfuerzos) sobre formacions rocosas preexistents. As deformacions correspondients alteran a disposición previa d'os materials, que podeba tamién estar una estructura de tipo orichinal u estar ya o resultato de bella deformación anterior.
D'alcuerdo con estos conceptos a Tectonica ye una parte d'a Cheología estructural, que se centra en as estructuras de deformación, sin situar en o suyo centro as estructuras de tipo orichinal. En a practica Tectonica y Cheología Estrutural son a sobén tractatas como sinonimas.
Se veiga tamién
[editar | modificar o codigo]
Datos: Q78125729