Manifestación

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre os autos publicos de protesta. Ta atros emplegos se veiga manifestación (desambigación)

Manifestación por a oficialidat de l'aragonés y o catalán (Zaragoza, 16 de mayo de 2009).

Una manifestación ye a exhibición publica d'a opinión de un grupo activista (economico, politico u social, sobretot), achuntando-se en as carreras, a sobén en un puesto u una calendata simbolicos y asociatos con ixa opinión. O proposito d'una manifestación ye contrimostrar que una parti significativa d'a población ye a favor u en contra d'una determinata politica, persona, lei, etc. O exito d'una manifestación gosa estar considerato mayor cuanta mas chent en fa parti. En bellas manifestacions se producen disturbios y violencia contra obchectos (como os autos), botigas, piatons u a policía, u mesmo contra os mesmos manifestants. Por un regular, atros mecanismos de protesta como as vagas (sobretot as vadas chenerals) van acompanyatos de manifestacions.

Lista de manifestaciones importants

Protestas en Birmania.

Bellas manifestacions y protestas importants, ordenatas cronolochicament:

• Manifestación en Washington por os Dreitos Civils en Estaus Unius o 28 d'agosto de 1963
• Manifestacions mundials contra la guerra d'Iraq (15 de febrero de 2003 y atras calendatas)
• Manifestación d'o 12 de marzo de 2004, por los atentatos de l'11M
• Protestas antigubernamentals en Birmania de 2007

Amás, l'1 de mayo, día d'o treballador, bi ha manifestacions sendicals en tot o mundo.

Manifestacions en Aragón

• Manifestacions a favor de l'autonomía u autodeterminación d'Aragón. A manifestación autonomista mas important estió lo 23 d'abril de 1978 en Zaragoza.
• Diferents manifestacions contra o Plan Hidrolochico Nacional y o trescole de l'Ebro. O día 6 de octubre de 2002 se manifestoron en Zaragoza bellas 150.000 personas.
• Manifestacions anti-OTAN u antimilitaristas. Destaca la manifestación d'o 17 de febrero de 2008 en Zaragoza.
• Manifestacions a favor d'a lei de montanyas en Zaragoza u o Portalet.
• Manifestacions a favor d'a oficialidat d'as luengas d'Aragón como la organizata o 16 de mayo de 2009 en Zaragoza por a Coordinadera Aragón Trilingüe.

Recuento de manifestants

Actualment, bi ha dos formas de contar o numero de personas que asisten a una manifestación:

• Contar o número d'individuos que pasan por un punto determinato en un menuto y multiplicar a cifra por os menutos que dura la manifestación.
• Multiplicar os metros cuadratos que ocupa la manifestación por un numero determinato de manifestants. En a zona central iste número gosa estar 1,5. Si se tienen fotografías d'alta resolución dende l'aire, ista tecnica ye muito mas precisa.

Referencias

• Datos: Q175331
• Multimedia: Political demonstrations / Q175331