Amento

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Amentos d'un salz (Salix).

Un amento (d'o latín <AMENTUM) ye una inflorescencia racemosa en espiga con pedunculo articulau y normalment flors d'un solo sexo, por o cual se troba amentos femenins y masculins. As flors son bien simples, sin cáliz ni corola en a mayoría de casos, reducidas a androceu as masculinas y a chineceu as femeninas.

Os amentos son caracteristicos de bels cheneros y familias d'árbols, como Salicaceae y Fagaceae. Son inflorescencias especializadas pa polinización anemofila, de tal forma que os amentos masculins gosan producir gran cantidat de polen que s'esparde con l'aire. Por ixa razón, os árbols que fan amentos pueden estar tamién muit alerchenicos pa las personas reactivas.

Se veiga tamién

• Espiga (inflorescencia).
• Corimbo.
• Umbela.

Referencias

• Datos: Q217753
• Multimedia: Catkins / Q217753