Seuffe

Seuffe (Parachondrostoma toxostoma)

Systematik

Ordnig:	Charpfenartigi (Cypriniformes)
Überfamilie:	Cyprinoidae
Familie:	Charpfefisch (Cyprinidae)
Gattig:	Parachondrostoma
Art:	Seuffe

Wüsseschaftlige Name

Parachondrostoma toxostoma

Vallot, 1837

D Seuffe (Parachondrostoma toxostoma oder mengisch au Chondrostoma toxostoma) isch en europäische Süesswasserfisch wo z Frankriich und im Schwiizer Jura haimisch isch. Si ghört zo de gföördete Fischarte.

Uussie

D Seuffe isch e längliche, silbrig-brüünliche Fisch, wo 20 bis 30 cm lang werd.

Verbraitig

D Seuffe chunnt z Südfrankriich vor. S ööstliche Piet isch s Iizuugspiet vom Rotte mit em Doubs und anderne Nebeflüss und isch drum au im Schwiizer Jura haimisch. Si feelt aber im Gempfersee, well di zom Tail underiridische Stromschnelle underhalb vo Gempf e natüürlichi Schranke för all Fisch sind. S westliche Piet isch s Iizugspiet vo de Garonne. Momentan braitet si sich au i de Flussystem vo de Loire und vo de Seine uus. D Seuffe mag klari und suberi Flüüssgwässer mit ere schnelle Ströömig und eme Grund us Chiselstai.

Lebeswiis

D Seuffe isch e Bodefisch, wo Wirbelloosi fresst und Alge vo de Stai abschabet. D Laichziit goot vom Mai bis in Juni, wenn d Wassertemperatur öber 13 Grad stiigt. D Seuffe versammlet sich denn zo groosse Schwärm, wo i chliini Bäch mitere schnelle Ströömig ineschwümmet zom laiche. S Wiibli lait 600 bis 15'000 Aier. D Laarfe schlüüffet noch 8 Taag. D Seuffe werd mit 3 oder 4i gschlechtsriiff und cha 10 Joor alt were.

Büecher

Maurice Kottelat: European Freshwater Fishes; Cornol 2007. ISBN 978-2-8399-0298-4

Weblink

Seuffe uf Fishbase.org (englisch)