Hot-Spot
|
Dä Artikel isch über d Hot-Spots in dr Geologii. Für anderi Bedütige vom Begriff Hot-Spot lueg doo. |
As Hot-Spot (engl.: heisse Flecke) werre Zentre vu intensiver vulkanischer Aktivität in ere planetare Rinde bezeichnet, wo nit direkt dur plattetektonische Prozesse verursacht werre.
Hot-spots sind doher nit an Platteränder bunde, au wenn si uf sonige liige chänne. Plattetektonik trättet usserdem im Sunnesystem numme uf dr Erde uf. D'Mars- un Venus-Vulkane sin dorum alles Hot-Spot-Vulkane. Ganz Hawaii esch dur ne Hot-Spot enstande.
E besundere Fall isch dr Jupitermond Io. Säller isch ybersait vu Schwäfel-Vulkane mit Lavatemperature um öppe 500 °C. Es trättet aber vereinzelt au silikatische Vulkanismus mit Temperature vu iber 1800 °C uf. Dr Begriff "hot spot" isch dorum im Fall vu dr Io uf sälli Art vu Vulkanismus beschränkt.
Uf dr Erde underschidet sich dr Hot-Spot-Vulkanismus vu dr vulkanische Aktivität an Plattegrenze, wo mit plattetektonische Vorgänge wie Ozeanbodespreizig un Subduktion zämmehängt. D'Theori vum Hot-Spot-Vulkanismus isch erstmols anno 1963 vum Geolog John Tuzo Wilson formuliert worre.
Literatur
[ändere | Quälltäxt bearbeite]- I. O. Norton: Plate motions in the North Pacific: The 43 Ma nonevent (1995), Tectonics, Vol 14(5), pp. 1080-432 (englisch)
- A. Davaille, F. Girard & M. L. Bars: How to anchor hotspots in a convecting mantel? (2002), Earth and Planetary Science Letters, Vol. 203, pp. 621-634 (englisch)
- J. A. Tarduno & R. D. Cottrell: Paleomagnetic evidence for motion of the Hawaiian hotspot during formation of the Emperor seamounts (1997), Earth and Planetary Science Letters, Vol. 153, pp. 171-180 (englisch)
Weblink
[ändere | Quälltäxt bearbeite]- Maria Antretter: Moving hotspots - Evidence from paleomagnetism and modeling (4,5 MB pdf-Datei)