Hispaniola

Hispaniola
Topographischi Charte Topographischi Charte
Gwässer	Karibischs Meer
Inselgruppe	Grossi Antille
Geographische Lage	19° 0′ N, 70° 40′ W19-70.6666666666673098
Lag vu Hispaniola
Flechi	76.480 km²
Hechschti Hebi	Pico Duarte 3.098 m
Iiwohner	18.466.497 (2005) 241 Einw./km²
Hauptort	Santo Domingo / Port-au-Prince

Hispaniola (span. La Española „die Spanischi“) oder Kiskeya (in dr Sprooch vo de Taínos), span. Quisqueya, isch mit ere Flechi vo öbbe 76.480 km² die zweitgrössti vo de Westindische Insle und au vo de Grossen Antille. Uf dr Insle lige d Staate Haiti und die Dominikanischi Republik.

Geografii

Öbbe 90 km westlig lit die grössti Antilleninsle Kuba und s chliinere Jamaika, 120 km östlig Puerto Rico, 250 km nördlig d Gruppe vo de Turks- und Caicosinsle und 180 km nordnordwestlig d Inselgruppe Inagua. Hispaniola isch vo Oste uf Weste 600 km lang und 250 km vo Norde uf Süde. Si het d Form von ere Hand wo gege Weste offen isch, wobii zwei gebirgigi Halbinsle wiit gege Kuba bzw. Jamaika uusestöhn. Nume dr Oste isch relativ flach und im Norde e Längsdaal, wo zwüsche zwei Bärgchettene lit.

Politischi Gliiderig

Die Dominikanischi Republik und Haiti

Dr grösseri östligi Deil vo dr Insle bildet hüte die Dominikanischi Republik, dr chliineri westligi Deil d Republik Haiti.

Bevölkerig

Hispaniola het öbbe 20 Millione Iiwohner, meh as alli andere Insle in de Antille.

Land	Flechi in km²	Iiwohner (2009)	Bevölkerigsdichti (Iiw. pro km²)
Dominikanischi Republik	48.730	10.090.000	173
Haiti	27.750	9.776.206	352
Hispaniola	76.480	19.866.206	260

Ursprung vo de Näme

Die Iiheimische hai dr Insle Aytí gsait, do drus isch die hütigi Bezeichnig „Haiti“ entstande. Mit Haiti isch also ursprünglig die ganzi Insle gmeint gsi.

Dr Christoph Kolumbus het dr Insle dr Name La Isla Española („die spanischi Insle“) gee. D Ängländer hai das zu Hispaniola („Chliispanie“) verballhornt.

D Insle Hispaniola isch in dr Kolonialzit politisch in e spanische Ostdeil, Santo Domingo (oder San Domingo) gnennt (noch dr Stadt mit däm Name), und e französische Westdeil, Saint Domingue (oder Saint-Domingue), drennt gsi. Us em Ostdeil isch die Dominikanische Republik entstande, us em Westdeil Haiti, wo für e Zit in s nördlige Nord-Haiti und die südligi Mulatte-Republik deilt gsi isch.

Weblingg

 Commons: Hispaniola – Sammlig vo Multimediadateie