China
|
Dä Artikel behandlet de kulturelli Ruum. Witeri Bedütige finded sich under China (Begriffsklärig). |
China isch e kulturelle Ruum in Ostasie, wo vor me as 3500 Joor entstande isch.
Für d Gschicht vo dr Kultur isch dr chinesisch Ruum sid em zwöite Joortusig vor Chrischtus eis vo de grosse Zäntre vo dr Zivilisazioon. Dört isch s chinesische Schriftsyschteem entwicklet worde, wo s eltischte uf dr Wält isch, und au i dr Architektur, dr Medizin, dr Musig, dr Filosofy (wie öppe mit em Daoismus), dr Technik und uf anderne Gebiet isch China scho im Altertum innovatyv gsi.
S Wort China chunt vom Sanskrit-Wort cīna चीन. Das isch z China dr Name vom Staat Qin gsi, wo vom Joor 778 vor Chrischtus bis 207 vor Chrischtus d Regioon China agfüert het. Es git i däm Kulturruum verschideni chinesischi Sprooche.
Politisch und geographisch het das Gebiet i dr historische Zyt, vo 221 vor dr Zitewändi bis anne 1912, s Kaiserriich China umfasst.
Drufabe het’s bis noch em Zwäite Wältchrieg d Republik China ggää.
Sit 1949, wo dr Bürgerchrieg mit em Siig vo de Kommunischte z Änd gangen isch und d Nazionaliste sich uf d Insle Formosa zruggzooge häi, git s zwäi chinesischi Staate:
- d Volksrepublik China (VR), wo s ganze chinesische Feschtland beherrscht, und
- d Republik China (ROC), wo nume no Taiwan und e baar Insle im Chinesische Meer umfasst.
Literatur
[ändere | Quälltäxt bearbeite]- Helwig Schmidt-Glintzer: China. Vielvölkerreich und Einheitsstaat. München 1997. ISBN=3-406-42348-5
- Brunhild Staiger, Stefan Friedrich, Hans W. Schütte: Das große China-Lexikon. Geschichte, Geographie, Gesellschaft, Politik, Wirtschaft, Bildung, Wissenschaft, Kultur. Darmstadt 2008. ISBN=978-3-89678-633-3.
Weblink
[ändere | Quälltäxt bearbeite]
Commons: China – Album mit Multimediadateie