Vlag van Suid-Soedan

Vlag van Suid-Soedan

Vlag van Suid-Soedan
Gebruik	Nasionale vlag en vaandel
Verhouding	1:2
Goedgekeur	9 Julie 2005/11
Ontwerp	’n Blou driehoek aan die vlagpaalkant met ’n geel ster en drie bane in swart, rooi en groen met wit fraaiings langs die rooi baan op die wapperkant.

Die vlag van Suid-Soedan vertoon ’n blou driehoek aan die vlagpaalkant met ’n vyfpuntige geel ster wat na die vlagpaal wys; aan die wapperkant is drie ewe wye bane in swart, rooi en groen met wit fraaiings langs die rooi baan.

Die vlag is aanvaar na die ondertekening van Naivasja-ooreenkoms wat die einde van die tweede Soedannese burgeroorlog bevestig het. Die vlag is aanvanklik gebruik deur die Soedannese Volksbevrydingsbeweging (SPLM).

Simboliek

Die vlag in Karima, Soedan

Saam met die vlag van Suid-Afrika is die vlag van Suid-Soedan een van net twee vlae wêreldwyd wat ses verskillende kleure in sy ontwerp het (dit sluit skakerings van een kleur in ’n vlag uit). Die kleure stel die volgende voor: swart stel die Soedannese bevolking voor, rooi stel die gevloeide bloed in die stryd om vryheid voor, groen stel die land voor en die ster verteenwoordig die Ster van Bethlehem.

Kleure

Volgens die Suid-Soedanese regering verteenwoordig die kleure van die vlag:

• Swart: Die mense van Suid-Soedan.
• Rooi: Die bloed wat op pad na onafhanklikheid gevloei het.
• Groen: Die land se landbou, natuurlike rykdom, grond, sowel as vordering.
• Wit: Suid-Soedan se vrede ná baie jare se bevrydingsstryd.
• Blou: Waters van die Nylrivier, ’n bron van lewe vir die land.
• Geel: Verteenwoordig eenheid (van die deelstate), hoop en vasberadenheid vir alle mense.

Ontwerp

Die vlag is soortgelyk aan die vlag van Kenia met die toevoeging van die blou driehoek en geel ster aan die vlagpaalkant en die weglating van die motief op die vlag van Kenia.

Ander vlae

• 
  Vlag van Suid-Soedan, 1882 tot 1914 en 1914 tot 1922
• 
  Vlag van Suid-Soedan, 1922 tot 1952
• 
  Vlag van Suid-Soedan, 1952 tot 1956
• 
  Vlag van Suid-Soedan, 1956 tot 1970
• 
  Vlag van Suid-Soedan, 1970 tot 2011
• 
  Vlag van die Soedannese Volksbevrydingsbeweging, 1983 tot 1995
• 
  Vlag van die Soedannese Volksbevrydingsbeweging, 1995
• 
  Vlag van die Noordelike Kantoor van die Soedannese Volksbevrydingsbeweging
• 
  Presidensiële vlag van Suid-Soedan

Soortgelyke vlae

• 
  Vlag van Kenia
• 
  Vlag van Malawi
• 
  Pan-Afrikaanse vlag

Sien ook

• Vlag van Soedan

Eksterne skakels

• (en) Suid-Soedan by Flags of the World.
• (en) "Flag of South Sudan". Encyclopædia Britannica. Besoek op 15 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.