Veringstelsel
'n Veringstelsel is die naam van die stelsel in 'n motorvoertuig wat bestaan uit die skokbrekers en koppelstange wat die voertuig se onderstel met die wiele verbind. Veringstelsels dien 'n tweeledige doel: Hulle verseker dat die motor se wiele tydens 'n rit in kontak met die grond bly sodat daar voldoende wrywing tussen die wiele en padoppervlak is om die enjin se energie te kan oordra om die motor vorentoe te dryf, en hulle verseker dat die passasiers gemaklik is deur hulle van die padgeraas, hobbels en vibrasies te isoleer. Hierdie twee doelwitte staan dikwels in teenstelling met mekaar en daarom moet 'n moderne veringstelsel verstel word om die geskikte middeweg te vind. Die ontwerp van die voorste en agterste veringstelsel van 'n motor verskil gewoonlik.
Vere en dempers
[wysig | wysig bron]Die veringstelsels in die moderne motor gebruik vere om impakte te absorbeer en dempers (of skokbrekers) om die veer se beweging te beheer. 'n Verskeidenheid veerstelsels word (of is al) gebruik:
Vere
[wysig | wysig bron]- Bladvere – Ook bekend as Hotchkiss, Cart, of semi-elliptiese vere (Engels – Leaf Spring).
- Torsiestang
- Spiraalveer (Engels – Coil spring)
- Rubberbusse
Dempers
[wysig | wysig bron]- MacPherson-stut
- Chapman-stut
- Skokbreker – ook bekend as demper
- Spiraaloordemper
Tipes Veringstelsels
[wysig | wysig bron]Veringstelsels kan breedweg geklassifiseer word in twee subgroepe – afhanklik en onafhanklik. Hierdie terme verwys na die vermoë van die teenoorgestelde wiele om onafhanklik van mekaar te kan beweeg.
'n Afhanklike veringstelsel het normaalweg 'n lewendige as ('n eenvoudige stang of wa-as) wat die wiele parallel aan mekaar hou en loodreg ten opsigte van die as. Wanneer die wielvlug van een wiel verander, verander die wielvlug van die teenoorgestelde wiel op dieselfde wyse.
'n Onafhanklike veringstelsel laat die wiele toe om op hulle eie te styg en te daal sonder om die teenoorgestelde wiel te beïnvloed. In hierdie geval word die wiele glad nie aan mekaar verbind nie of word hulle deur 'n kardankoppeling aan 'n krinkas verbind.
'n Derde tipe semi-onafhanklike veringstelsel bestaan ook. In hierdie geval word 'n krinkas gebruik maar word die wiele ook met 'n soliede buis (ook die deDion-as genoem) aan mekaar verbind.
Afhanklike vering
[wysig | wysig bron]Afhanklike veringstelsels kan onderskei word aan die koppelstangstelsel wat gebruik word om hulle longitudinaal en transversaal in plek te hou. Beide funksies word gewoonlik gekombineer in 'n stel koppelstange.
Voorbeelde van koppelstange vir plasingsdoeleindes is:
- Sleeparms
- Satchell-koppeling
- Panhard-stang
- Watts-koppeling
- Binneboord-koppelstang
- WOBLink
- Mumford-koppeling
- deDion-as
Onafhanklike vering
[wysig | wysig bron]Daar bestaan 'n groter verskeidenheid onafhanklike veringstelsels en sluit onder andere in:
Nuwe veringstelsel tegnologieë onder ontwikkeling sluit 'n stelsel van Bose Corporation in wat rekenaarbeheerde motors gebruik om die vering te verstel na aanleiding van die heersende padtoestande, wat dan die motor gelyk en in kontak met die pad hou selfs al word daar teen 'n hoë spoed oor hobbelrige paaie of om skerp draaie gery.
Eksterne skakels
[wysig | wysig bron]
Wikimedia Commons het meer media in die kategorie Veringstelsel.- Bose Veringstelsel Geargiveer 3 Maart 2005 op Wayback Machine
