Spikkelbaars
| Spikkelbaars | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | M. punctulatus
|
| Binomiale naam | |
| Micropterus punctulatus (Rafinesque, 1819)
| |
Die Spikkelbaars (Micropterus punctulatus) is 'n varswatervis wat natuurlik in Noord-Amerika voorkom. In Suid-Afrika word hulle in riviere van die Wes- en Oos-Kaap, KwaZulu-Natal en Zimbabwe gevind. Die vis is in 1939 in Suid-Afrika losgelaat en in 1945 in Zimbabwe. In Engels staan die vis bekend as die Spotted bass.
Voorkoms
[wysig | wysig bron]Die vis is donker olyfkleurig aan die bokant met gelerige sye. Daar is ook donker olyf, diamantvormige bane op die sye wat 'n band vorm. Die vis is ligter aan die onderkant met kolle en word tot 600 mm lank. Die sylyn is volledig. Die Suid-Afrikaanse hengelrekord is 2,04 kg en die wêreldrekord is 4,19 kg.
Habitat
[wysig | wysig bron]Die vis verkies effens troebel water in stadigvloeiende riviere en damme. Hulle is roofvisse en vreet insekte, krappe, paddas en ander visse. Die mannetjie maak 'n nes in vlak water en die vis broei in die vroeë somer. Die mannetjie pas die eiers en larwes op.
Hierdie spesie blyk die spesie te wees wat sukkel om in Suider-Afrika aan te pas.
Sien ook
[wysig | wysig bron]- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
- Indringerspesies van Suider-Afrika
Bron
[wysig | wysig bron]- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1