Scouts (Padvinders)
'n Scout (letterlik 'n "Verkenner") (in sommige lande 'n Boy Scout, Girl Scout of Pathfinder) is 'n kind, gewoonlik 10–18 jaar oud, wat aan die wêreldwye Scouts-beweging behoort. Baie Scout-verenigings is in 'n junior en 'n senior afdeling verdeel om die verskil in ouderdomme van die kinders te akkomodeer. Scouts word georganiseer in troops (soos kommando's) van gemiddeld 20–30 Scouts onder leiding van een of meer Scout-leiers of Scoutmasters. Troops verdeel dan weer in patrollies van ongeveer 6–8 Scouts en neem deel aan buitemuurse en ander spesiale aktiwiteite. Troepe kan by plaaslike, nasionale en internasionale organisasies affilieer.
Stigting
[wysig | wysig bron]
Na die Tweede Boereoorlog in Suid Afrika het seuns aansienlike belangstelling getoon in Aids to Scouting, 'n boek oor militêre verkenning en oorlewing in die wildernis, geskryf deur 'n held uit daardie oorlog, Robert Baden-Powell.[1] Die boek is onder andere deur onderwysers en jeugorganisasies gebruik. Geïnspireer deur die belangstelling het Baden-Powell Scouting for Boys geskryf, wat die Scout-metode van buitelug aktiwiteite beskryf. Dit is daarop gemik is om karakter, positiewe burgerskap en persoonlike fiksheid onder die jeug te ontwikkel. Hy het destyds beoog dat die metodes deur gevestigde organisasies, soos die Boys' Brigade, gebruik sou word.[2] Vanweë Baden-Powel se gewildheid en die avontuurlike speletjies waaroor hy geskryf het, het seuns egter spontaan Scout-patrollies begin vorm.
Mettertyd is die Scout-program in verskeie lande hersien en bygewerk en spesialiteitsprogramme is ontwikkel, soos Air Scouts, Sea Scouts, buitelug-avontuur, Scout-slagorkeste en berede-Scouts, getrou aan die oorspronklike kernwaardes en beginsels van Baden-Powell.
Oorspronklik was die Scout-program gemik op 11- tot 16-jarige seuns. Die jonger broers van Scouts het egter byeenkomste begin bywoon, en so is die Wolf Cub- afdeling begin. Dit was ook duidelik dat jong meisies aan soortgelyke aktiwiteite wou deelneem, maar die Edwardiaanse waardes op daardie tydstip het nie toegelaat dat jong seuns en meisies saam sulke rowwe dinge doen nie. Dit het die gevolg gehad dat die Girl Guides en Girl Scouts gevorm is.
'n Scout leer die hoekstene van die Scout-metode. Dit is ontwikkel om karakter, burgerskap, persoonlike fiksheid en leierskap by seuns te vestig deur middel van 'n gestruktureerde program van buitemuurse aktiwiteite.[3][4] Algemene maniere om die Scout-metode te implementeer sluit in om tyd saam in klein groepies deur te bring, met gedeelde ervarings en aktiwiteite, asook om goeie burgerskap en besluitneming te beklemtoon wat toepaslik vir elke ouderdom is. Die kweek van 'n liefde en waardering vir die buitelewe en buitemuurse aktiwiteite is belangrik. Primêre aktiwiteite sluit kampeer, houtwerk, noodhulp, watersport, voetslaan en ander sporte in.
Sien ook
[wysig | wysig bron]Verwysings
[wysig | wysig bron]- ↑ "First Scouting Handbook". Order of the Arrow, Boy Scouts of America. Besoek op 24 April 2014.
- ↑ Peterson, Robert (Oktober 2003). "Another youth organization, the Boys' Brigade, was flourishing when the first official troops of the Boy Scouts of America appeared in 1910". Scouting Magazine. Boy Scouts of America. Besoek op 22 Mei 2006.
- ↑ "Constitution and By-Laws of the World Organization of the Scout Movement". World Organization of the Scout Movement. Januarie 2011. Geargiveer vanaf die oorspronklike (PDF) op 1 April 2012. Besoek op 5 April 2012., p. 3-7
- ↑ "Scouting: An Educational System". World Organization of the Scout Movement. 1998. Geargiveer vanaf die oorspronklike (PDF) op 30 September 2007. Besoek op 10 Julie 2006., p. 9