Patroklos
In die Griekse mitologie, soos vertel in Homeros se Ilias,[1] was Patroklos (Grieks: Πάτροκλος, "glorie van die vader") ’n goeie vriend van Achilles. Hy was die seun van Menoetius, seun van Aktor,[2][3] die koning van Opus, en deur sy ouma Aigina, Achilles se kleinneef.
Mitologie
[wysig | wysig bron]Vroeë lewe
[wysig | wysig bron]As kind het Patroklos ’n ander kind doodgemaak uit woede oor ’n bordspel. Menoetius het Patroklos aan Peleus, Achilles se pa, gegee en hy het saam met Achilles grootgeword.[4] Patroklos was ’n rolmodel vir Achilles, want hy was ouer en wys.[5]
Trojaanse Oorlog
[wysig | wysig bron]Toe die noodlot volgens die Ilias in die Trojaanse Oorlog teen die Achajers (Grieke) was en die Trojane hulle skepe bedreig het, het Patroklos die geveg teen hulle gelei. Hy het Achilles se wapentuig aangetrek en baie Trojane en van hulle bondgenote doodgemaak, onder andere ’n seun van Zeus, Sarpedon.[6] Hy is daarna self doodgemaak, deur Paris se broer Hektor.[6]
Achilles het Patroklos se liggaam gaan haal, wat van sy wapentuig gestroop was en op die slagveld beskerm is deur Menelaos en Alias.[7] Achilles wou nie toegelaat dat Patroklos begrawe word nie todat Patroklos se spook verskyn het en geëis het om begrawe te word sodat hy na die onderwêreld kan gaan.[6] Nadat Achilles ook gesneuwel het, is hulle oorskot saam begrawe.[8]
Verhouding met Achilles
[wysig | wysig bron]Hoewel geen eksplisiete seksuele verhouding tussen Achilles en Patroklos in die Homeriese tradisie genoem word nie, het latere Griekse skrywers geskryf oor wat hulle as deur die tekste geïmpliseer beskou het. Aischulos en Faidros het byvoorbeeld geskryf daar was duidelik ’n verhouding tussen hulle, en albei het na Achilles verwys as die passiewe maat in die verhouding.[9]
Morales en Mariscal het gesê daar is "’n polemiese tradisie oor die aard van die verhouding tussen die twee helde".[9] Volgens Ledbetter (1993)[10] bestaan ’n idee dat Patroklos ’n deernisvolle kant van Achilles verteenwoordig, want Achilles was bekend vir sy woede, soos genoem in die eerste reël van die Ilias. Ledbetter verbind die manier waarop Achilles en sy ma, Tetis, kommmunikeer met die kommunikasie tussen Achilles en Patroklos.[10]
Hooker beskryf die noodsaaklikheid van Patroklos se teerheid teenoor Achilles in die Ilias.[11] Volgens sy teorie gee die teerheid aanleiding tot ’n selfs groter tragedie. Hooker argumenteer dat hoe groter die liefde is, hoe groter ook die verlies.
Verwysings
[wysig | wysig bron]- ↑ Martin, Richard (2011). The Iliad of Homer. Chicago, IL: The University of Chicago Press.
- ↑ Homeros. "online text". Ilias. Perseus Digital Library. 11.785.
- ↑ Homeros (1924). Die Ilias, in Engels vertaal deur. Vertaal deur Murray, A.T. Ph.D. Cambridge, MA; Londen, VK: Harvard University Press; William Heinemann, Ltd. "Aanlyn weergawe". Perseus Digital Library.
- ↑ Homeros. "aanlyn". Ilias. Perseus Digital Library. 23.83–92.
- ↑ Finlay, Robert (1980). Patroklos, Achilleus, and Peleus: Fathers and Sons in the Iliad. The Classical World. pp. 267–273.
- ↑ 6,0 6,1 6,2 Lattimore, Richmond (2011). The Iliad of Homer. Chicago: The University of Chicago Press.
- ↑ Bulfinch, Thomas (1985). The Golden Age. Londen: Bracken Books. p. 272.
- ↑ Chisholm, Hugh (1911). "Achilles". Encyclopædia Britannica (11th uitg.).
- ↑ 9,0 9,1 Morales, Manuel Sanz; Mariscal, Gabriel Laguna (2003). "The Relationship between Achilles and Patroclus according to Chariton of Aphrodisias". The Classical Quarterly. 53 (1): 292–295. doi:10.1093/cq/53.1.292. JSTOR 3556498.
- ↑ 10,0 10,1 Ledbetter, Grace (1 Desember 1993). "Achilles' self-address". American Journal of Philology.
- ↑ Hooker, James (1 Januarie 1989). "Homer, Patroclus, Achilles". Symbolae Osloenses.
Bibliografie
[wysig | wysig bron]- Plato (1925). Symposium. Plato in Twelve Volumes. Vol. 9. Vertaal deur Fowler, Harold N. Cambridge, MA; Londen, VK: Harvard University Press; William Heinemann Ltd."Aanlyn weergawe". Perseus Digital Library.
Skakels
[wysig | wysig bron]
Wikimedia Commons het meer media in die kategorie Patroklos.
Hierdie artikel is in sy geheel of gedeeltelik uit die Engelse Wikipedia vertaal.
