Opel Calibra
 | |
| Oorsig | |
|---|---|
| Vervaardiger | Opel |
| Ook genoem | Chevrolet Calibra Holden Calibra Vauxhall Calibra |
| Produksie | 1989–1997 239 118 vervaardig[1] 4x4: 3,385 V6: 12,015 |
| Montering |  Duitsland: Rüsselsheim (GM-Opel) Finland: Uusikaupunki (Valmet Automotive) |
| Ontwerper | Erhard Schnell |
| Bakwerk en onderstel | |
| Klas | Middelgrootte gesinsmotor (D-segment) |
| Bakstyl | 2-deur koepee-luikrug |
| Uitleg | Voorenjin, voorwielaandrywing/4x4 |
| Platform | GM2900 |
| Spesifikasies | |
| Enjin(s) | |
| Ratkas | 5-gang handrat 6-gang Getrag handrat 4-gang Aisin-Warner outomaties |
| Plek in geskiedenis | |
| Voorganger | Opel Manta Holden Piazza |
| Opvolger | Opel GTC Concept |
| Variante | Opel Vectra Saab 9-3 Saab 9-5 Saturn L-reeks |
Die Calibra is 'n sportiewe koepee van Opel / GM wat in die negentigerjare die Duitse motorvervaardiger moes help om van sy "grys" beeld ontslae te raak. In 1989 word die motor by die IAA in Frankfurt bekendgestel as opvolger van die Opel Manta. In die agt jaar wat die Calibra vervaardig is, is 238 647 eenhede vervaardig. In die somer van 1997 loop die laaste eksemplaar van die produksielyn af. Daar sou sedert daardie tydstip geen tweede geslag van die Calibra wees nie. In teenstelling met die standaardkoepees van sy tyd, bied die Calibra baie ruimte vir passasiers en bagasie. Die Calibra is gebaseer op die GM2900-platform, wat ook die Opel Vectra A + B en die tweede generasie Saab 900 insluit.
Die Opel Calibra het 'n baie lae sleursyfer, die 2.0 L 115 pk-weergawe het 'n cW-waarde van 0.26, wat vir 1990 baie laag was. Selfs vandag is dit 'n baie lae waarde. Die 2.0 16V, waarvan baie verkoop is, het meer lugweerstand gebied, as gevolg van die noodsaaklikheid van ekstra verkoeleropeninge in die rooster, en breër bande. Die motor is vanaf die bekendstelling standaard met kragstuur en ABS toegerus en was vanaf 1994 met lugsakke beskikbaar. Opsionele vierwielaandrywing (4x4) was opsioneel beskikbaar.
Die Calibra was by sy bekendstelling beskikbaar met die tweeliter-enjins wat reeds in die Kadett GSi aangebied is. Die basismotor is die 85 kW (115 pk) tweeliterblok met twee kleppe per silinder (C20NE). Die ander keuse was die tweeliter 16V (C20XE) met 'n kraglewering van 110 kW (150 pk). Hierdie enjin versnel die Calibra van 0 tot 100 km/h in slegs 8,3 sekondes. Die gemiddelde brandstofverbruik is deels te danke aan die lae lugweerstand op 9,2 l / 100 km.
Vanaf 1992 was die Calibra (sowel as die Vectra) beskikbaar met 'n tweeliter-turbo-enjin van 204 pk, standaard vierwielaandrywing en toegerus met ses ratte. Hierdie weergawe het 'n topsnelheid van 245 km/h. In 1994 word die C20XE vervang deur die nuwe 2.0 16V Ecotec ( X20XEV). Die laaste nuwe enjin in die Calibra was die 2,5 liter V6 (C25XE) van 170 pk. Hierdie weergawe was ook toegerus met elektroniese vastrapbeheer.
Die 2.0-liter-petrolenjin van 150 pk is in 1995 tydens die Calibra se opkikkering deur 'n tweeliter- Ecotec-eenheid van 100 kW (136 pk) vervang. 'n 2.5 liter V6 was ook later beskikbaar, onder meer bekend in die Opel Vectra en Omega.
Die Calibra word nie in 1997 deur 'n volgende generasie vervang nie. Koepee-entoesiaste moes sedertdien die Corsa-gebaseerde Tigra, aanskaf wat in 1994 bekendgestel is.
| kode | tipe | inhoud | vermoë | wringkrag | jaartal | opmerking | |
|---|---|---|---|---|---|---|---|
| inhoud | silinders | ||||||
| C20NE | 2.0 i | 1.998 cm³ | 4-in-lyn | 115 pk | 170 Nm | 1989 - 1996 | Meervoudige inspuiting |
| X20XEV | 2,0 16V | 1.998 cm³ | 4-in-lyn | 136 pk | 185 Nm | 1994 - 1997 | Meervoudige inspuiting |
| C20XE | 2,0 16V | 1.998 cm³ | 4-in-lyn | 150 pk | 196 Nm | 1990 - 1994 | Meervoudige inspuiting |
| C25XE | 2,5 i V6 | 2.498 cm³ | V6 | 170 pk | 227 Nm | 1993 - 1997 | Meervoudige inspuiting |
| C20LET | 2.0 i Turbo 4x4 | 1.998 cm³ | 4-in-lyn | 204 pk | 280 Nm | 1992 - 1996 | Meervoudige inspuiting |
Afmetings
[wysig | wysig bron]- Lengte: 4492 mm
- Breedte: 1688 mm
- Hoogte: 1320 mm
- Wielbasis: 2600 mm
- Afstand tussen die wiele: 1446 mm
- Bande: "195/60 R 15 85 V" - "205/55 R 15 87 W" - "205/50 R 16 W"
Motorsport
[wysig | wysig bron]Die Calibra is ook as 'n tydrenmotor gebruik. In Nederland het Opel Dealer Team Holland in die 1993-seisoen 'n Turbo 4x4 gebruik vir die Ope Internasionale Tydrenkampioenskap met die bestuurders Erwin Doctor en Theo Badenberg.
In 1996 word die Calibra die toermotorkampioen. Die Opel-fabriekspan het met die Calibra V6 van 500 pk met vierwielaandrywing nege oorwinnings in die DTM-reeks behaal.
Verwysings
[wysig | wysig bron]- ↑ Kittler, Eberhard (2001) (in de), Deutsche Autos seit 1990, 6, Stuttgart: Motorbuch Verlag, p. 311, ISBN 3-613-02052-1
Eksterne skakel
[wysig | wysig bron] |
Wikimedia Commons bevat media in verband met Opel Calibra. |
| Opelmodelle | ||
|---|---|---|
|
Subkompak:
Adam ·
Kompak:
Astra ·
Corsa ·
Kadett ·
Tigra ·
Volgrootte:
Ascona ·
Calibra ·
Commodore ·
Insignia ·
Kapitän ·
Manta ·
Monza ·
Olympia ·
Rekord ·
Senator ·
Vectra ·
| ||
| Wysig hierdie sjabloon | ||
| Hierdie artikel is in sy geheel of gedeeltelik vanuit die Nederlandse Wikipedia vertaal. |
