Nasionale paaie in Suid-Afrika

Die Nasionale Padstelsel is 'n netwerk van paaie tussen al die groot populasiesentra in Suid-Afrika. Die stelsel is grotendeels in die 1970's gebou met padwerke wat tot vandag steeds voortduur. Die stelsel is gebaseer op die Amerikaanse Interstate Highway wat deur president Dwight D. Eisenhower gedurende die 1950's tot stand gebring is, wat op sy beurt gebaseer is op die Duitse Autobahn waarmee Eisenhower te doen gekry het toe hy tot afloop van die Tweede Wêreldoorlog deur Duitsland getoer het.

Huidige geproklameerde paaie

Nasionale paaie word aangedui met die letter N gevolg deur 'n nommer wat die spesifieke roete aandui. Op padtekens word nasionale paaie deur 'n vyfhoek met die nommer van die pad binne-in voorgestel.

N1: Kaapstad – Beitbrug (die grenspos met Zimbabwe, word die A4/A6)

via Laingsburg, Beaufort-Wes, Colesberg, Bloemfontein, Winburg, Kroonstad, Johannesburg, Pretoria, Polokwane en Musina.

N2: Kaapstad – Ermelo

via die Tuinroete, Port Elizabeth, Grahamstad, Bhisho, Oos-Londen, Mthatha, Kokstad, Port Shepstone, Durban, Empangeni, Pongola en Piet Retief.

N3: Durban – Johannesburg

via Pietermaritzburg, Estcourt en Harrismith.

N4: Lobatse – Ressano Garcia (die grensposte met Botswana en Mosambiek, word die A2 en die EN4, onderskeidelik)

via Rustenburg, Pretoria, Witbank en Nelspruit.

N5: Winburg – Harrismith

via Bethlehem.

N6: Oos-Londen – Bloemfontein

via Queenstown en Aliwal-Noord.

N7: Kaapstad – Vioolsdrif (grenspos met Namibië, word die B1)

via Malmesbury en Springbok.

N8: Upington – Maserubrug (grenspos met Lesotho)

via Kimberley, Bloemfontein en Ladybrand.

N9: George – Colesberg

via Graaff-Reinet en Middelburg.

N10: Port Elizabeth – Nakop (grenspos met Namibië, word die B3)

via Cradock, Middelburg, De Aar, Prieska en Upington.

N11: Ladysmith – Groblersbrug (grenspos met Botswana)

via Newcastle, Volksrust, Ermelo, Middelburg en Polokwane.

N12: George – Witbank

via Oudtshoorn, Beaufort-Wes, Kimberley, Warrenton, Klerksdorp, Potchefstroom en Johannesburg

N14: Springbok, – Pretoria

via Upington, Kuruman, Vryburg, Krugersdorp en Centurion.

N17: Johannesburg – Ngwenya (grenspos met eSwatini, word die MR3)

via Springs, Bethal en Ermelo.

N18: Warrenton – Ramatlabama (grenspos met Botswana, word die A1 snelweg)

via Vryburg en Mahikeng.

Voorgestelde roetes

N21 / Skiereilandsnelweg: 'n voorgestelde kringweg wat die opgradering van die R300 insluit wat parallel met die N7 deur Bellville in 'n tolpad wat die Weskus met Muizenberg verbind.

Ouer skema

'n Ouer skema, aansienlik afwykend van die huidige nommers, is beskryf in die 1970 Shell Road Atlas of South Africa en ander gelyktydige bronne:

N1 - ekwivalent aan die huidige N9 van George tot Colesberg, en dan die huidige N1 van daar tot Beitbrug (met afwykings aangesien sommige nuwer dele nog gebou moes word)
N2 - ekwivalent aan die gedeelte van die huidige N2 van Kaapstad tot Durban
N3 - ekwivalent aan die huidige N3 van Durban tot Ladysmith, dan volg dit die huidige N11 tot Volksrust, en die huidige R23 van daar af tot Heidelberg, en dan hou did aan tot sy einde in Johannesburg
N4 - ekwivalent aan die gedeelte van die huidige N4 van Pretoria tot Komatipoort
N5 - ekwivalent aan die huidige N5 maar van Winburg verby Harrismith tot Ladysmith (laasgenoemde deel word nou as die N3 geteken)
N6 - ekwivalent aan die huidige N6, behalwe dat dit begin in King William's Town, die deel van daar tot Stutterheim is nou die R346, en eindig in Reddersburg.
N7 - ekwivalent aan die gedeelte van die huidige N10 van Ncanaha tot net verby Middelburg
N8 - ekwivalent aan die gedeelte van die huidige R64 van Kimberley tot Bloemfontein
N9 - ekwivalent aan die gedeelte van die huidige N1 van Kaapstad tot Colesberg
N10 - ekwivalent aan die gedeelte van die huidige R56 tussen Kokstad en Pietermaritzburg
N11 - ekwivalent aan die huidige N7
N12 - ekwivalent aan die gedeelte van die huidige N12 van George tot Beaufort-Wes
N13 - ekwivalent aan die gedeelte van die huidige N12 van Three Sisters tot Johannesburg
N14 - ekwivalent aan die gedeelte van die huidige N2 van Durban tot eSwatini
N15 - ekwivalent aan die gedeelte van die huidige R75 van Port Elizabeth tot Uitenhage
N16 - ekwivalent aan die gedeelte van die huidige N3 tussen Heidelberg en Harrismith
N17 - ekwivalent aan die gedeelte van die huidige N10 tussen Noupoort en Namibië
N18 - ekwivalent aan die gedeelte van die huidige R61 van Queenstown tot Port St. Johns
N19 - ekwivalent aan die gedeelte van die huidige R56 van die suide van Jamestown tot Kokstad