NGC 3242
| NGC 3242 | ||||
| ||||
| 'n Foto deur die Hubble-ruimteteleskoop (HRT) van die kernstreek van NGC 3242 (HRT/Nasa/ESA). | ||||
| Soort newel | Planetêre newel | |||
| Sterrebeeld | Noordelike Waterslang | |||
| Waarnemingsdata (Epog J2000) | ||||
| Regte klimming | 10h 24m 46.1s | |||
| Deklinasie | -18° 38′ 32.6″ | |||
| Skynmagnitude (m) | 8,60 | |||
| Besonderhede | ||||
| Afstand (ligjaar) | 4 800 ± 500 ligjare | |||
| Skynbare grootte | 25 boogminute | |||
| Ander name | ||||
| Spook van Jupiter, Oognewel, Caldwell 59 | ||||
| ||||
NGC 3242 (ook bekend as die Spook van Jupiter of die Oognewel) is 'n planetêre newel in die sterrebeeld Noordelike Waterslang. William Herschel het dit op 7 Februarie 1785 ontdek. John Herschel het dit in die 1830's van die Kaap die Goeie Hoop, Suid-Afrika, waargeneem en in die General Catalogue van 1864 as GC 2102 opgeneem. Dit het NGC 3242 geword in J.L.E. Dreyer se New General Catalogue van 1888.
NGC 3242 word meestal die "Spook van Jupiter" genoem vanweë sy soortgelyk vorm as die planeet, maar dit word ook soms die "Oognewel" genoem.[1] Die planetêre newel is sowat twee ligjare lank en bevat 'n sentrale witdwerg met 'n skynbare magnitude van 11. Die binneste lae van die newel is sowat 1 500 jaar gelede gevorm.[2] Die twee punte van die newel word gekenmerk deur lobbe van vinnig bewegende gas wat dikwels rooi gekleur word in valskeurfoto's.[3]
NGC 3242 kan maklik deur amateurteleskope gesien word en lyk vir die meeste waarnemers blougroen. Groot teleskope kan ook die buitenste halo onderskei.[4]
Galery
[wysig | wysig bron]-
Afgeneem deur 'n 10-duim-teleskoop -
'n Ander Hubble-foto van die kernstreek -
'n Ultraviolet foto deur Nasa -
Infrarooi, Spitzer-ruimteteleskoop
Verwysings
[wysig | wysig bron]- ↑ Frommert, Hartmut. "NGC 3242". SEDS. Geargiveer vanaf die oorspronklike op 20 Julie 2014. Besoek op 22 Junie 2014.
- ↑ Mobberley, Martin (2009). The Caldwell Objects and How to Observe Them. New York: Springer Science+Business Media, LLC. p. 128. ISBN 978-1-4419-0326-6.
- ↑ "NGC 3242, Ghost of Jupiter". ESA. Geargiveer vanaf die oorspronklike op 20 Julie 2014. Besoek op 22 Junie 2014.
- ↑ "The Ghost of Jupiter". Geargiveer vanaf die oorspronklike op 5 Februarie 2009. Besoek op 25 Februarie 2010.
Skakels
[wysig | wysig bron]- The Hubble European Space Agency Information Centre Geargiveer 15 September 2008 op Wayback Machine – Hubble-foto en inligting oor NGC 3242
- NGC 3242 by astro-pics.com
Hierdie artikel is in sy geheel of gedeeltelik uit die Engelse Wikipedia vertaal.
