Kraal
'n Kraal is 'n tradisionele Afrika- of ook enige inboorlingstamdorp wat uit hutte bestaan. Dit kan egter ook na enige omheinde gebied waarin vee bymekaargebring word verwys.
Oorsprong van woord
[wysig | wysig bron]
Die woord kraal word algemeen dwarsdeur Suidelike Afrika gebruik en is afgelei van die Portugese curral, 'n veekamp of hok. Die ekwivalente Spaanse uitdrukkings is corral, 'n kamp of binnehof. Die woord is oorgeneem deur vroeë Hollandse setlaars en verskyn so lank gelede as in 1705 in die geskrifte van Peter Kolben, alhoewel die woord waarskynlik selfs vroeër in gebruik geneem is.[1]
Die woord het ook vanaf Afrikaans na Engels oorgespoel. Sien lys van Afrikaanse woorde in Engels opgeneem.
