Kinderslawerny
Die verskil tussen kinderarbeid en kinderslawerny is in 1989 by die "Convention on the Rights of the Child" vasgestel. Daar is besluit dat kinders 'n reg op formele onderrig het. Kinders wat werk het nie die geleentheid om daardie onderrig te ondergaan nie.
Die omskrywing van 'n kind is iemand wat onder die ouderdom van 18 jaar is. Daar is 'n verbod op die indiensneming van kinders onder 15 jaar. As 'n kind ouer as 15 jaar is, maar nog nie 18 jaar nie, het die wet, wat die sektorale vasstelling van minimum lone vir plaaswerkers reël, die volgende bepaling:
- Hulle mag nie meer as 35 uur per week werk nie.
- Hulle mag nie tussen 18:00 en 06:00 werk nie.
- Hulle mag nie gevaarlike chemikalieë hanteer nie.
Dit is dus onwettig om 'n kind onder die ouderdom van 15 jaar in diens te neem en dis die werkgewer se verantwoordelikheid om hom van die kind se ouderdom te vergewis en toe te sien dat sy optrede binne die bepalings van die wet geskied.
