Johann Bayer

	Johann Bayer
Gebore	1572; Rain, Beiere
Oorlede	7 Maart 1625; Augsburg
Burgerskap	Heilige Romeinse Ryk
Vakgebied	Sterrekunde, regsleer
Alma mater	Universiteit van Ingolstadt
Bekend vir	Uranometria

Johann Bayer (1572 – 7 Maart 1625) was ’n Duitse regsgeleerde en sterrekundige. Hy is in 1572 in Rain, Beiere, gebore. Twee dekades later het hy filosofie en regte in Ingolstadt studeer.

Loopbaan

Die gravure in Bayer se steratlas, *Uranometria*, van die sterrebeeld Jagter.
Bron: VSA-vlootsterrewag-biblioteek

Bayer het ná sy studies in Augsburg as ’n regsgeleerde begin werk.^[1] Hy het verskeie belangstellings buite sy werk gehad, onder meer argeologie en wiskunde. Hy is egter veral bekend vir sy werk in sterrekunde, in besonder die bepaling van hemelliggame se posisie.

Bayer is die bekendste vir sy steratlas, Uranometria, wat die eerste keer in 1603 in Augsburg gepubliseer is.^[2] Dit was die eerste atlas wat die hele lugruim gedek het.^[3] In die atlas is ’n nuwe benamingstelsel, die Bayer-name vir sterre, bekend gestel.^[4] Hy het ook 12 nuwe sterrebeelde in die atlas gelys wat onbekend was aan die Antieke Grieke en Romeine.^[3]

In 1612 het hy die regsadviseur van die Augsburgse stadsraad geword. Hy is in 1625 oorlede; hy het nooit getrou nie.^[2] Die krater Bayer op die maan is na hom genoem.

Verwysings

↑ Hockey, Thomas (2009). The Biographical Encyclopedia of Astronomers. Springer Publishing. ISBN 978-0-387-31022-0. Besoek op 22 Augustus 2012.
↑ ^2,0 ^2,1 Kanas, Nick (2007), Star maps: history, artistry, and cartography, Springer-Praxis books in popular astronomy, Springer, p. 153–155, ISBN 0-387-71668-8, http://books.google.com/books?id=xepttjhzaH8C&pg=RA1-PA153
↑ ^3,0 ^3,1 Asimov, Asimov's Biographical Encyclopedia of Science and Technology 2de hersien uitgawe
↑ Ridpath, Ian, Bayer's Uranometria and Bayer letters, http://www.ianridpath.com/startales/bayer.htm

Eksterne skakels

Digitale weergawe Geargiveer 7 Augustus 2008 op Wayback Machine, Linda Hall-biblioteek.
Hierdie artikel is vertaal uit die Engelse Wikipedia

[1] Hockey, Thomas (2009). The Biographical Encyclopedia of Astronomers. Springer Publishing. ISBN 978-0-387-31022-0. Besoek op 22 Augustus 2012.

[kanas2007-2] 2,0 ^2,1 Kanas, Nick (2007), Star maps: history, artistry, and cartography, Springer-Praxis books in popular astronomy, Springer, p. 153–155, ISBN 0-387-71668-8, http://books.google.com/books?id=xepttjhzaH8C&pg=RA1-PA153

[asimov-3] 3,0 ^3,1 Asimov, Asimov's Biographical Encyclopedia of Science and Technology 2de hersien uitgawe

[startales-4] Ridpath, Ian, Bayer's Uranometria and Bayer letters, http://www.ianridpath.com/startales/bayer.htm

[1]

[2]

[3]

[4]