Jeju
| Jeju Inheemse naam: 제주도 | |
|---|---|
 Nasa-Satellietbeeld van Jeju | |
| Geografie | |
| |
| Ligging | Oos-Asië |
| Koördinate | 33°22′N 126°32′O / 33.367°N 126.533°O
|
| Oppervlakte | 1 826 km² |
| Hoogste punt | Hallasan 1 950 m |
| Administrasie | |
 Suid-Korea
| |
| Provinsie | Jeju Spesiale Outonome Provinsie
|
| Hoofstad | Jeju-stad |
| Grootste stad | Jeju-stad (501 791)
|
| Demografie | |
| Bevolking | 692 032
|
| Bevolkingsgroepe | Koreane, Han-Chinese |
| Grootste eiland van Suid-Korea | |
Jeju (Koreaans: 제주도; Hanja: 濟州島; [t͡ɕed͡ʑudo]) is verreweg die grootste eiland van Suid-Korea en langs die suidkus van die Koreanse Skiereiland in die Straat van Korea geleë. Dit beslaan 'n oppervlakte van 1 826 km² het het 'n bevolking van 692 032 in 2018 gehad, waarvan 501 791 in die gelyknamige hoofstad. Jeju vorm saam met 'n aantal kleiner eilande 'n spesiale outonome provinsie in Suid-Korea. Dit is 'n vulkaniese eiland en die "vulkaniese eiland en lavabuise van Jeju" is in 2007 deur Unesco as wêrelderfenisgebied gelys.[1] In November 2011 is Jeju in 'n openbare stemming aangewys as een van die wêreld se New7Wonders of Nature.[2]
Twee paaie rondom die eiland verbind die kusdorpies met die twee sentrums Jeju in die noorde en Seogwipo in die suide. Administratief is die eiland tussen die twee stede in 'n noordelike en 'n suidelike helfte opgedeel en Jeju dien as hoofstad van die hele eiland. Tydens die FIFA Sokker-Wêreldbekertoernooi in 2002 is in Jeju drie wedstryde aangebied.
Jeju beskik as gevolg van 'n warm seestroming oor 'n subtropiese klimaat; selfs in die winter daal die temperatuur selde onder 0°C. Jeju is 'n gewilde vakansiebestemming en 'n aansienlike deel van die ekonomie is afhanklik van toerisme en ekonomiese aktiwiteite rondom die burgerlike/vlootbasis. As gevolg van die spesiale klimaat word op die Jeju-eilande plante verbou wat op die kouer Koreaanse Skiereiland nie gekweek kan word nie, waaronder piesangs.[3]
Verwysings
[wysig | wysig bron]- ↑ (en) "Jeju Volcanic Island and Lava Tubes". Unesco. Besoek op 12 Augustus 2020.
- ↑ (en) "The Provisional New 7 Wonders of Nature". new7wonders.com. Geargiveer vanaf die oorspronklike op 25 Mei 2020. Besoek op 12 Augustus 2020.
- ↑ (en) "South Korean farmers see boost in banana crop". BBC. 21 Januarie 2019. Besoek op 12 Augustus 2020.
Eksterne skakels
[wysig | wysig bron]
Wikimedia Commons het meer media in die kategorie Jeju.- (en) Toerisme-inligting oor Jeju op Wikivoyage
- (en) "Jeju, South Korea: Island of Peace and of Controversy". Encyclopædia Britannica. Geargiveer vanaf die oorspronklike op 29 Augustus 2018. Besoek op 12 Augustus 2020.
